पोखरा । रेडियो जननीले आयोजना गरेको टिकटक मार्फत कविता प्रतियोगितामा पोखरा विरौटाका सुवाश लामिछाने प्रथम भएका छन् । रेडियोले टिकटक मार्फत आमा विषयमा आयोजना गरेको कविता प्रतियोगितामा लामिछाने प्रथम भएका हुन् ।
माता तिर्थऔँसीको अवसरमा “मातातिर्थ औँसीको महत्व” विषयको रेडियोमा आयोजित परिचर्चा कार्यक्रममा प्रतियोगिहरुलाई पुरस्कार वितरण गरिईएको हो । प्रतियोगितामा रमेश सार्थक द्धितिय, मनिषा लामिछाने तृतीय र आयान अभिरल घिमिरे सान्वत्वना भएका छन् । उनीहरुले क्रमशः १५ हजार, १० हजार, ५ हजार र ३ हजार नगद पुरस्कार प्राप्त गरेका छन् । विजयी प्रतियोगिहरुलाई कार्यक्रमका प्रमुख अतिथि गण्डकी प्रज्ञा प्रतिष्ठानका कुलपती सुर्य खड्का विखर्चीले पुरस्कार र प्रमाणपत्र वितरण गरेका थिए ।
कार्यक्तममा बोल्दै विखर्चीले महिलाहरुलाई कहिले भेदभाव नगरी अगाडी बढ्न प्रेरणा प्रदान गर्नुपर्नेमा जोड दि । कार्यक्रमका विशेष अतिथि पोखरा प्रतिष्ठानका कुलपती पद्मराज ढकालले आमाको महत्वको विषयमा भनाई राखेका थिए ।
कार्यक्रममा रेडियोका अध्यक्ष हिरा भट्टराईले आमालाई स्वर्गारोहण भएपछि भन्दा जिवित हुदै सम्मान व्यक्त गर्नुपर्नेमा जोड दिइन् । भट्टराईले आमाको सम्मानमा रेडियोले स्थापना गरेको आमा अक्षयकोषमा सहयोगी मनहरुवाट सहयोग आउने क्रम जारी रहेकोले सहयोग गर्ने मनहरुलाई धन्यवाद व्यक्त गरिन् ।
कार्यक्रममा साहित्यकारहरु सरस्वती श्रेष्ठ (सरु), गौरी तमु र असफल गौतमले निर्णायको भूमिका निर्वाह गरेका थिए । प्रतियोगिताको पुरस्कार माल्टा बाट विष्णु रानामगर, कुन्ती मल पोखरा र इन्फोम्याटिक्स इन्ष्टीच्युटका प्रबन्ध निर्देशक प्रदिप थापाले प्रायोजन गरेका थिए ।
कार्यक्रममा गण्डकी प्रज्ञा प्रतिष्ठानका सदस्य सचिव मनकुमार श्रेष्ठ, कोपिला नेपालका कार्यकारी निर्देशक विना सिलवाल, मुक्तक मञ्च पोखराका अध्यक्ष विवेक भण्डारी लगायतले बोलेका थिए ।
रेडियोका अध्यक्ष हिरा भट्टराईको अध्यक्षतामा भएको कार्यक्रमको सञ्चालन रेडियो कार्यक्रम संयोजक सबु पाठकले गरेकी थिइन् ।