पोखरा । पोखरा महानगरपालिका १८ भकुन्डेमा चितुवाको आक्रमणबाट २ जना मानिस घाइते भएका छन् । बुधबार तुल्सीकुञ्ज इको भिलेज (कालिज फर्म)मा पसेर चितुवाले श्रीकृष्ण मल्ल ठकुरी र राजेश तिमिल्सिनालाई आक्रमण गरी घाइते बनाएको हो । घाइतेहरुको हाल उपचार भइरहेको र अवस्था सामान्य रहेको प्रहरीले जनाएका छन् ।
२ जना मानिस सहित फर्ममा रहेको कालिजलाई आक्रमण गर्ने चितुवाको पनि मृत्यु भएको स्थानीय सन्तोष अधिकारीले गन्थनलाइ बताएका छन् । आक्रमणको जानकारी पश्चात पुगेको रेस्क्यु टोलीले चितुवालाई नियन्त्रण लिनु अघिनै मृत्यु भइसकेको स्थानीय अधिकारीले जनाए । चितुवा मृत्युको कारण भने खुलेको छैन ।
चितुवा फर्म नजिकै झाडीमा मृत अवस्थामा फेला परेको र वन कार्यालयलाई बुझाइएको स्थानीय सन्तोष अधिकारीले बताए ।