शुक्रबार पोखरामा आयोजित राप्रपाको चुनावी आमसभालाई सम्बोधन गर्दै अध्यक्ष लिङ्देनले एकपटक तर यहि पटक राप्रपालाई देशको नेतृत्व गर्ने जिम्मा दिन जनतासँग आग्रह गरे । ‘हामीले तपाईहरुको पार्टी छोड्नुस् पनि भन्दैनौँ । तपाईको आस्था बचाईराख्नुहोस् । तर देशको अवस्थालाई सुधार्नका लागि एकपटक र यहि मौकामा राप्रपालाई मत दिएर जिताउनुहोस् ।’ लिङ्देनले भने -‘यसो गर्दा देशको अवस्था पनि सुध्रने । र, ठुला भनिएका दलसँगै तिनका नेताहरु पनि सुध्रने ।’ लिङ्देनले राप्रपालाई जिताउँदा जनतालाई फाइदैफाइदा हुने भएकोले दायाँबायाँ केही नसोँच्न आग्रह गरे ।
साथै अर्को प्रसंगमा राप्रपाका कास्की जिल्लाका प्रत्यक्ष तथा समानुपातिक उम्मेदवारहरुको बारेमा बेलिबिस्तार लगाउँदै आफ्नो पार्टी सबैभन्दा समावेशी र युवाहरुको भावना बुझ्ने पार्टी भएको उनले तर्क गरे । ‘तपाईहरु हामीले उठाएका उम्मेदवारहरुलाई नै हेर्नुहोस् । प्रत्यक्षमा हाम्रा होनहार युवा उम्मेदवारहरुलाई चुनावमा अगाडि सारेका छौँ । र, समावेशीतर्फ पनि हामीले सबैको भावनालाई समेटेका छौँ ।’ उनले भने -‘त्यसैले राप्रपा अहिलेको सबैभन्दा बढि प्रगतिशील पार्टी भएको पनि म दाबी गर्छु ।’
पोखराको पृथ्वीचोकमा भएको राप्रपाको चुनाव विशेष आमसभालाई लिङ्देनसँगै चर्चित अभिनेत्री नेपाली काँग्रेसका संस्थापक वीपि कोईरालाकी नातिनी मनिषा कोईरालाले समेत सम्बोधन गरेकी थिईन् ।