पोखरा । नेपाल कम्युनिष्ट पार्टी एमाले पोखरा महानगरपालिका वडा नं. ३१ मा कार्यकर्ता भेला तथा आउँदै गरेको बिजया दशमी र दिपावलीको अवसरमा शुभकामना आदानप्रदान गरिएको छ । कार्यक्रमका प्रमुख अतिथि एमाले स्थायी कमिटीका सदस्य तथा संगठन विभागका प्रमुख खगराज अधिकारीले देशको विकासका लागि एमालेनै यो राष्ट्रमा आवश्यक रहेको बताए । विकास एक तर्र्फ मात्र नभई सबैतिर सामुहिकरुपमा हुनुपर्ने उनको भनाई थियो । एमाले सरकारमा हुँदा विकासको मुल फुटे पनि अहिलेको परमादेशको सरकारले विकासका सबै बजेट काटेको उनले आरोप लगाए । अहिलेको सरकार विकास विरोधी भएको समेत उनले जिकिर गरे ।
कार्यक्रममा नेकपा एमाले पोखरा महानगर कमिटी अध्यक्ष दिलिप न्यौपानेले एमाले जनताको पार्टी भएकोले चुनावमा जनताले न्याय गर्ने बिश्वास व्यक्त गरे । नेकपा एमाले पोखरा ३१ का कार्यबाहक अध्यक्ष बिनोद थापाको अध्यक्षतामा सम्पन्न कार्यक्रम सचिब पुर्षोत्तम अधिकारीले सञ्चालन गरेका थिए ।
