कास्कीमा जारी जोर विजोर प्रणाली हटाइएको छ ।
जिल्ला प्रशासन कार्यलय कास्कीले भदौं ३१ गतेसम्म निषेधाज्ञा थप गरेपनि सवारीमा यसअघि कायम गरिएको जोर विजोर प्रणाली हटाएको छ ।
सघसंस्थाहरुले नगरी नहुने सभा, सम्मेलन, बैठक आयोजना गर्न प्रशासनलाई अग्रिम जानकारी गराएर मात्रै गराउनुपर्ने प्रमुख जिल्ला अधिकारी थानेश्वर गौतमद्धारा जारी आदेशमा भनिएको छ । कार्यक्रम गर्दा स्वास्थ्य सुरक्षाको मापदण्ड पालना अनिवार्य गर्न समेत भनिएको छ ।
सिनेमाहल, पार्टीप्यालेस, क्लब, दोहोरीसाँझ, रंगशाला खोल्न तथा सञ्चालन गर्न नपाइने आदेशमा उल्लेख छ ।
