पोखरा/गण्डकी प्रदेश सरकारमा जनता समाजबादी पार्टी सहभागि हुने समाचारहरु आईरहँदा हामीले जनता समाजबादी पार्टीका संघिय परिषद अध्यक्ष डा. बाबुराम भट्टराईलाई जसपाले गण्डकी प्रदेशमा पृथ्वी सुब्बा गुरुङको नेतृत्वमा रहेको सरकारलाई सहयोग गर्ने होर ? भन्ने प्रश्न गरेका थियौँ उक्त प्रश्नपछि भट्टराईले भने –‘ पार्टीले गठबन्धन भन्दा बाहिर नजाने निर्णय गरेको छ । गुरुङ सरकारमा सहभागि हुने वा उनलाई सहयोग गर्ने कुराको कुनै संभाबना छैन । त्यहाँका सांसदहरु पनि त्यो बिषयमा प्रष्ट नै छन् । हामी प्रतिगमनलाई काँध थाप्न सक्दैनौँ । ’
यता जसपा गण्डकी प्रदेशका संसदीय दलको नेता हरिशरण आचार्यले पार्टीको निर्देशन भन्दा दायाँबायाँ नहुने बताएका छन् । जसपाका केहि नेताहरुले निकटताका आधारमा मुख्यमन्त्रीसँग जसपा सरकारमा आउँछ भनेकै आधारमा मुख्यमन्त्री ढुक्क बनेको स्रोतको दावी छ ।
बाहिर जे जसो हल्ला भएपनि जसपामा गुरुङ नेतृत्वको सरकारमा सहभागी बन्ने वा सरकारलाई सघाउने कुनै संभावना नरहेको जनता समाजबादी पार्टीका संयोजक मोती रिजालले गन्थन डटकमलाई बताए ।