विरेन स्मृति बिटी कप जारीः एकै खेलमा ११ गोल

पोखरा । पोखरा महानगरपालिका १ बगर स्थित पुरानो टुडिखेलमा जारी ‘चौथोे विरेन स्मृति १४ औं बि.टी कप सेभेन ए साइ्ड नकआउट अन्तर क्लब फुटबल प्रतियोगिताको दोस्रो दिन एकै खेलमा ११ गोल गर्दै आयोजक सेतो दोस्रो चरणमा प्रवेश गरेको छ ।

पोखराको पुरानो टुडिखेल मैदानमा भएको खेलमा बिटी सेतोले छोरेपाटन एफसीलाई ११–० गोलको फराकिलो अन्तरले पराजित गरेको हो । आयोजकको जीतमा सुनिल बिकले डबल ह्याट्रिकको योगदान दिए । त्यस्तै लक्ष्मण रुचाल र विनोद गुरुङले समान २ गोल गरे भने सुदिप पाठकले १ गोल थपे । त्यस्तै अर्काे खेलमा फोर टु फाईभ एफसीले आयोजक ओरेन्जलाई ४–१ गोल अन्तरले पराजिय ग¥यो ।

फोर टु फाइभको जीतमा सकुल गुरुङले २ गोल गरे भने आशिष क्षेत्री र संगम ठकुरीले समान १ गोलको योगदान दिए । आयोजक ओरेन्जको तर्फबाट राजन केसीले सान्त्वना १ गोल फर्काए । नारायण गोपाल शितल देवी क्लबलाई २–० को गोल अन्तरले हराउदै एलजी एसोसियसन दोस्रो चरणमा प्रवेश ग¥यो । एलजीको जितमा प्रियसन गुरुङ र विजय गुरुङले समान १ गोलको योगदान दिए ।

अर्काे खेलमा मेरो नेपाललाई रञ्जन मेमोरियलले २–० गोल अन्तरले पराजित गरेको प्रचारप्रसार संयोजक अमृत लामा गुरुङले जानकारी दिएका छन् । उनका अनुसार रञ्जनको जितमा सुशान गुरुङ र रोशन छन्त्यालले समान १ गोल गरेका थिए ।

पाचौं खेलमा एसवाइसिबीले विष्णु पादुकालाई २–१ गोल अन्तरले पाराजित ग¥यो । एसवाइसिबीको जीतमा रविन्द्र मल्ल र खीम गुरुङले समान १ गोल गरे भने विष्णु पादुकाको तर्फबाट विशाल सुनारले सान्त्वना १ गोल फर्काए ।

छैटौं खेलमा लाहाचोक एफसीले काँडे एपेक्सलाई ५–० गोलको फराकिलो अन्तरले पराजित गर्दै दोस्रो चरणमा स्थान जमायो । लाहाचोकको जितमा विवेक सन्तोषीले २ गोल र मनिस थापा, दीपेन्द्र नेपाली । अनिल थापा मगरले समान १ गोल दिलाए । सातौं खेलमा पाटन एफसीले भदौरे क्लबलाई ३–० गोल अन्तरले हरायो । पाटनको जीतमा कुशल राईले २ गोल र हानोक तामाङले १ गोलको योगदान दिए ।

त्यसैगरी नयांगल्ली र ह्याप्पी ब्रदर्शबीच भएको आठौं खेल गोलरहित बराबरीमा सकिएपछि ट्राईबेकरमा नयांगल्ली ३–१ गोल अन्तरले विजयी बन्यो । त्यस्तै अन्तिम खेलमा रत्नसमाज सेवा समिति कस्केरीमाथि कमल पोखरी एफसीले १–० को गोल अन्तरले सँघर्षपूर्ण जित निकाल्यो । कमल पोखरीको जितमा हेम आलेमगरले निर्णायक गोल गरे । सोमबार समेत ९ खेल सञ्चालन गरिने बताउँदै प्रचारप्रसार संयोजक अमृत लामा गुरुङले पहिलो खेल भिमकाली क्लब र एम फाइभबीच हुने जानकारी दिए ।

कमेन्टहरु
Loading...