पोखरा । नेपालमा थप १ सय ६० जनालाई कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयले दिएको जानकारी अनुसार नेपालमा १ सय ६० जनालाई कोरोना भाइरस संक्रमण पुष्टि भएको हो । पछिल्लो २४ घण्टाको अवधिमा नेपालमा गरिएको पिसिआर परीक्षणका क्रममा कोरोना पोजेटिभ रिर्पोट आएकामध्ये ६१ जना महिला तथा ९९ जना पुरुष रहेका छन् ।
यससंगै नेपालमा कोरोना भाइरस संक्रमितको कुल संख्या २ लाख ७२ हजार २ सय १५ पुगेको छ । हाल नेपालमा १ हजार ७ सय ३७ जना सक्रिय कोरोना भाइरस संक्रमित रहेका छन् । यस्तै पछिल्लो २४ घण्टाको अवधिमा नेपालमा थप ४ हजार ३ सय ९ जनाको पिसिआर परीक्षण गरिएको छ । यो अवधिमा नेपालमा थप १ सय ६छ जना कोरोना भाइरस संक्रमणमुक्त भएर डिस्चार्ज भएका छन् । यससंगै नेपालमा कोरोना भाइरस संक्रमणमुक्त हुनेको कुल संख्या २ लाख ६८ हजार ४ सय ३१ पुगेको छ ।
पछिल्लो २४ घण्टाको अवधिमा नेपालमा कोरोना भाइरस संक्रमणबाट थप २ जनाको ज्यान गएको छ । हाल नेपालमा कोरोनाबाट ज्यान गुमाउनेको कुल संख्या २ हजार ४७ जना पुगेको छ । हाल नेपालमा ८ सय २४ जना कोरोना भाइरस संक्रमितहरु संस्थागत आइसोलेसनमा रहेका छन् । त्यस्तै ६४ जना कोरोना भाइरस संक्रमितको आइसियुमा उपचार भइरहेको मन्त्रालयले जानकारी दिएको छ । मन्त्रालयका अनुसार नेपालमा १५ जना कोरोना भाइरस संक्रमित भेन्टिलेटरमा उपचाररत रहेका छन् ।
काठमाडौं मात्र नेपालमा ५ सयभन्दा बढी उपचारार्थ कोरोना भाइरस संक्रमितहरु भएको जिल्ला हो । त्यस्तै मुस्ताङ, मुगु, कालिकोट, अछाम तथा रुकुम पश्चिम सक्रिय कोरोना भाइरस संक्रमितहरुको सुन्य संख्या भएको जिल्ला हो ।