काठमाडौं । कोरोना भाइरसको संक्रमणबाट नेपाली कांग्रेसका नेता डा.शेखर कोइरालाका दाजु निरञ्जन कोइरालाको निधन भएको छ । पछिल्लो समय भारतको नयाँ दिल्लीमा बस्दै आएको कोइरालाको कोरोना संक्रमणबाट निधन भएको हो ।
उनी भारतमा व्यवसाय गर्दै आएका थिए । कांग्रेस नेता कोइरालाले सामाजिक सञ्जाल फेसबुकमार्फत् आफ्नो दाजु निरञ्जन कोइरालाको भारतमा कोरोना भाइरस संक्रमणबाट निधन भएको जानकारी दिएका हुन् ।
‘मेरा आदरणीय दाजु निरुदाको आज बिहान नयाँदिल्लीमा भएको निधनले म, मेरो परिवार र भतिजाहरु मर्माहत भएका छौं । म आफू आजबाट अभिभावकविहीन भएको छु ।’ उनले फेसबुकमा लेखेका छन्, ‘उहाँको उपचारमा संलग्न चिकित्सकहरु प्रति धन्यवाद दिंदै विभिन्न माध्यमबाट उहाँको स्वास्थ्यका बारेमा पुछताछ गर्नुहुने सबैप्रति हामी आभारी छौं ।’