पोखरा । पोखराको सभागृह चोकदेखी पृथ्वीचोकमा जनता समाजवादीले गरेको मसाल जुलुसलाई प्रहरी हस्तक्षेप गर्दै थियो । साँझ करिब ६:१० तिरको समयमा ।
जनता समाजवादीको जुलुसलाई नियन्त्रण गर्ने क्रममा प्रहरीले हातमा लिइराखेको सेट भुइमा खस्यो । सेट भुइमा खसेको समयमा नै नजिकै पुगेको ग २ प २१९५ प्राइभेट कारले सेट किचेको भन्दै ट्राफिक प्रहरीले उक्त गाडीलाई नियन्त्रणमा लिएको छ ।
गन्थन डटकमले आन्दोलनको उक्त समयमा गरिरहेको भिडियो लाइभमा उक्त गाडीले किचेको देखिदैन । यद्यपी ट्राफिक प्रहरीले भने गाडीले किचेर सेट फुटेको भन्दै नियन्त्रणमा लिइ जिल्ला ट्राफिक कार्यलय पुर्याएको छ ।
जिल्ला ट्राफिक कार्यलय प्रमुख सन्तोष रोकाले खसेको सेट गाडीले किचेकाले गाडीलाई आज नियन्त्रणमा राखिने बताउनुभयो ।