पोखरा । पछिल्लो २४ घण्टामा नेपालमा थप १६ सय १४ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ९ हजार ४ सय ९१ जनाको परीक्षण हुँदा १६ सय १४ जना संक्रमित भेटिएका हुन् ।
थपिएका संक्रमितसँगै नेपालमा कोरोना संक्रमितको संख्या २ लाख २७ हजार ६ सय ४० रहेको छ । पछिल्लो २४ घण्टामा कोरोना भाइरस संक्रमणमुक्त हुनेको संख्या १ हजार ४ सय ३७ रहेको छ ।
हालसम्म संक्रमणमुक्त हुनेको संख्या २ लाख ९ हजार ४ सय ३५ रहेको छ । नेपालमा हाल कोरोना भाइरसको सक्रिय संक्रमितको संख्या १६ हजार ७ सय ९३ रहेको छ ।
यस्तै पछिल्लो २४ घण्टामा कोरोना संक्रमणका कारण २३ जनाको ज्यान गएको छ । देशभर हालसम्म कोरोनाबाट १ हजार ४ सय १२ जनाको मृत्यु भइसकेको स्वास्थ्य तथा जनसंख्या मन्त्रालयले जानकारी दिएको छ ।