पोखरा\स्याङ्जा फेदीखोला गाउँपालिकाबाट उपचारका लागि पोखराको गैह्रापाटनमा रहेको फिस्टेल अस्पतालले थमक कुमारी गुरुङलाई फिस्टेल अस्पतालले बुधबार ज्वोरो देखिएको भन्दै अस्पतालबाट फर्काएको बिरामीको छोराले आरोप लगाएका छन् । सामाजिक संजालमा एक स्टाटस लेख्दै बिरामीका आफन्त चुनबहादुर गुरुङले विरामीलाई ज्वोरो आएको कारण नै अस्पतालले विरामी फिर्ता गरेको आरोप लगाएका हुन ।
बिरामीका आफन्त गुरुङले फेदीखोला गाउँपालिका प्रमुख घनश्याम सुवेदी र गण्डकी प्रदेशका मुख्यमन्त्रीलाई पनि ट्याग गरेर स्टाटस लेखेका हुन् ।
बिरामीका छोरा लेखबहादुर गुरुङका अनुसार ज्वोरोको विरामीलाई राख्न नसक्ने भन्दै अस्पतालको गेटबाट नै फर्काईदिएको थियो ।
फिस्टेल अस्पतालबाट निकालिएपछि बिरामीलाई उपचारका लागि पद्म नर्सिङ होममा लगिएको थियो । पदम नर्सिङ होमले फेरी पोखराकै गण्डकी मेडिकल कलेजलाई बिरामी रिफर गरेको थियो । अहिले विरामीको पोखरा नयाँ बजारमा रहेको गण्डकी मेडिकल कलेजमा उपचार भईरहेको छ ।
घटनाको बारेमा हामीले फिस्टेल अस्पतालका प्रशासकिय प्रमुख मधु ज्ञावालीलाई बुझ्न खोज्दा घटनाको बारेमा आँफु अनविज्ञ रहेको जानकारी दिईन् ।