पोखरा । शुक्रबारदेखि प्रदर्शनमा आएको नेपाली चलचित्र ‘पानीफोटो’ बारे जनयुद्धका कमाण्डर किरण थापाले फिल्म समग्रमा मौलिक र हाम्रै छिमेकीको कथा जस्तो देखिने प्रतिक्रिया दिएका छन् । साथै फिल्म मौलिक भएपनि विषयवस्तुको उठानमा खगेन्द्र लामिछानेले माओवादी आन्दोलनलाई सतही, गलत र पूर्वाग्राही ढंगले प्रस्तुत गरेको प्रतिक्रिया दिएका छन् ।
पानीफोटोले माओवादी आन्दोलनको कालमा आम सर्वसाधारणले भोगेको दोहोरो सेनाको चेपुवाको कथाले दर्शकलाई अन्तिम समयसम्म हेर्न मन लाग्ने बनाएको प्रतिक्रिया दिएका छन् ।
जनयुद्ध कमाण्डर थापाले सामाजिक सञ्जाल फेसबुकमा पानीफोटो बारे दिएको प्रतिक्रिया यस्तो छ :
पानीफोटो
१)दुई स्कुले किशोर अचानक बेपत्ता भएपछी परिवारले खोजतलासमा गरेको दुःखको कथा हो पानीफोटो।माओवादी आन्दोलनको कालमा नेपाली समाजमा आम सर्वसाधारणले भोगेको दोहोरो सेनाको चेपुवा ,निरिह र निर्दोष जनताको विवसता ,सन्तान बेपत्ताको चोटको घाउमा अन्धविश्वासका काँडाले कोतरेर नुनचुक दल्ने समानको प्रवृत्तिका विच आषाको दीप वचाईराख्ने निर्दोष पात्रले दर्शकलाई आन्तिमसंग तानिरहन्छ।दर्शकले पनि फिल्मका पात्रहरुसंगै कृष्ण खोज्न भौतरिन्छन ,घर फिर्तिको कामना गर्छन।यो फिल्मको सफलता हो।कथाको बुनाई,छोटो प्रभावकारी पटकथा,स्थानिय भाषिकाहरुको सन्तुलित प्रयोग,पात्रको निर्माण र भुमिकामा न्याय,करुणरस मुख्य रहे पनि हास्य रसको पनि उचित प्रयोग,पानीफोटो बिम्वको प्रयोग,कलाकारहरुको उत्कृष्ट अभिनय,ध्वनि र प्रकाशको उत्कृष्ट प्रयोगले फिल्म मौलिक छ।हाम्रै र हाम्रै छिमेकको कथा जस्तो देखिन्छ।तर बिषयवस्तुको उठानमा खगेन्द्र लामिछानेले माओवादी आन्दोलनलाई सतही ,गलत र पुर्वाग्रही ढङ्गले प्रतुत गरेका छन।दुई किशोरको अपहरण ,घर परिवार संग चिठी समेत पठाउन नपाउने कडा प्रतिवन्ध र जनसेनाको प्रस्तुति अत्यन्त फिक्का छ।माओवादी आन्दोलनलाई नाईजेरियन मुस्लिम संगठन बोकोहराम जस्तो गरि प्रस्तुत गर्नु खगेन्द्रको पुर्वाग्रही ,एकलकाटे दृष्टिकोण हो।घार राम्रो ,माहुरी राम्रो, चाका पनि राम्रो तर चाकामा मह भएन भने त्यो माहुरीको घार अर्थहिन हुन्छ।पानीफोटोले मुख्य तत्व (मह)बोक्न सकेको छैन ।खगेन्द्र लामिछानेले दर्शकलाई राम्रो घारबाट फोस्रो चाका पस्केका छन।