CAN

कार्यालयमा समयमा रिवन काट्न जान्न ः कार्यकारी अधिकृत कुँवर

52

पोखरा, ३ असार/पोखरा उपमहानगरपालिकाका कार्यकारी अधिकृत भीम कुँवरले कार्यालय समयमा उद्घाटन र रिवन काट्न नहिड्ने उद्घोष गरेका छन् । दुई साता अघिमात्र कार्यालयको कार्यकारी अधिकृत रुपमा सरुवा भई आएका कुँवरले पोखरामा पत्रकार भेटघाट एवं परिचयात्मक कार्यक्रममा त्यस्तो बताएका हुन् ।

कार्यालय समयमा यसरी उद्घाटन लगायतका कार्यक्रममा हिड्दा सेवाग्राहीका काम सम्पादन गर्न नभ्याइने हुँदा अति आवश्यकीय काममा मात्र बाहिर निस्कने प्रतिबद्धता व्यक्त गरे । यसअघि नगरपालिकामा सरुवा भै आउने कार्यकारी अधिकृतहरुले विभिन्न योजना सार्वजनिक गर्ने गरे पनि प्रतिबद्धता अनुरुप काम हुन सकेका छैनन् तर म भने कुनै योजना नभै १९ औ नगर परिषद एवं आगामी २० औ नगर परिषद्बाट स्वीकृत हुने नीति तथा कार्यक्रमलाई प्राथमिकता दिएर अघि बढ्ने प्रतिबद्धता पत्रकार माझ गरे ।

भीम कुँवर
भीम कुँवर

उनले पोखरा नगरलाई महानगरपालिका बनाउन आवश्यक पूर्वाधार निर्माण गर्नेतर्फ ध्यान दिने बताए । पोखराका सम्पदा फेवाताल जोगाउन फिर्के–बुलौदी खोला सरसफाइ अभियान विस्तार गर्दै जाने उनले बताए । कार्यकारी अधिकृत कुँवरले पोखरा नगरलाई उज्यालो बनाउन सौर्य सडक बत्ती विस्तार गर्ने र प्लाष्टिकका झोला गिलास निषेधित अभियानसँगै बालमैत्री वातावरण, बालमैत्री सहरको रुपमा अघि बढाउने जनाए ।

कार्यक्रममा पत्रकारहरुले पोखरा नगरलाई स्वच्छतर्फ सुझाव दिँदै काम कारबाही पारदर्शी हुनुपर्ने सुझाव दिए । पत्रकार महासंघ कास्कीका अध्यक्ष रामकृष्ण ज्ञवालीले कार्यालयका कर्मचारीहरुलाई तेरो, मेरो र हाम्रो नभनी स्वच्छरुपमा काम गर्न सुझाव दिए । नगरलाई बालमैत्री सहरको रुपमा विभिन्न ठाउँमा होर्डिङ बोर्ड राखिए पनि पार्किङ शुल्क उठाउने ठाउँमा बालबालिकाको प्रयोग भएकोमा ध्यान नगएको बताए

नगरपालिकाका प्रशासन महाशाखा प्रमुख अनन्तप्रसाद कोइराला, प्रमुख इन्जिनियर शारदामोहन काफ्ले नगरपालिकाका गति विधि’boutमा जानकारी गराएका थिए ।