पोखरा, २९ फागुन /रंगहरुको पर्व होलीमा पोखरामा युवायुवतीहरु रमाइ रहेका छन् । ठाउँ ठाउँबाट होली खेल्दै अधिकांश युवायुवतीहरु पोखराको लेकसाइडमा होली खेल्लन आएका छन् । रेवान पोखराको आयोजनामा हुने होली महोत्सवमा युवायुवतीको उल्लेख्य सहभागीता रहेको छ ।
विदेशी पर्यटकालाई नेपाली पर्व होलीको जानकारी दिन महोत्सवको आयोजना हुने गरेको छ । लेकसाइडमा होली खेल्नका लागि हजारौ युवायुवती झरेका छन् भने विदेशी पर्यटक समेत रमाएका छन् । युवायुवतीहरु एक आपसमा रङ दल्ने, लोला हाना हान गर्दा विदेशी पर्यटक समेत रमाउदै समाबेस हुने गरेका छन् ।
पर्यटकको बसाइ लम्ब्याउन उद्देश्यले पोखराको लेकसाइडमा १० वर्षदेखि फागुपूर्णिमामा ‘होली उत्सव गर्ने गरेको रेवान पोखराका अध्यक्ष चौबहादुर गुरुङ बताए ।
नेपालको सांस्कृतिक विविधतासँगै होलीको महत्वव बुझेपछि उत्सवमा सहभागी पर्यटक रङहरुमा रमाउने गरेका छन् । उत्सवमा पञ्चैबाजाका साथ पर्यटकलाई अबिर दलेर सुरु हुदा होलीको रौनक साँच्चिकै उत्सवमा परिणत भएको छ । होलीमा जथाभावी रंग दल्ने, लोला हान्ने काम हुन नदिन प्रहरीले कडाई गरेको छ ।