पोखरा, १२ असोज / विश्व पर्यटन दिवसको सन्दर्भमा अन्तराष्ट्रिय पर्वतीय संग्रहालय पोखरामा आन्तरिक तथा
वाह्रय पर्यटकलाई स्वागत सहित अवलोकन टिकट निःशुल्क प्रदान गरिएको छ ।
अवलोकनका लागि पहिला आउने नेपाली, सार्क र विदेशी पाँच। पाँच जना गरि कूल १५ जनालाई संग्रहालय बिज्ञ
बलप्रसाद राईले आगन्तुक पाहुनालाई खादा लगाएर स्वागत गर्नुभएको हो ।
उहाँका अनुसार पहिलो पर्यटक चाइनाका ढ्लजय लिङ, अमेरिकन सोफिया करकीन, मोनटाना र राचील
जोस्टन, अलस्का, फ्रान्सका क्रोन्टीन ब्रावन्ट, स्पेन ओयी ओल छन् ।
त्यस्तै सार्क अन्तर्गत भारतका अभिषेक जिया, हितेष जिया, प्रकाश भुर, सौरभ कुनार र सत्यवान एव्म
नेपालका अलिसा थापा, प्रिती तामाङ्ग, विनीता थारु, ऋषिराम थारु र प्रभावती कुहार हुनुहुन्छ ।
नेपाल पर्वतारोहण संघद्धारा निर्माण सम्पन्न गरेर सञ्चालनमा आएको पर्वतीय संग्रहालय अवलोकनका लागि
नेपाली रु. ८०, विद्यार्थी रु. ५०, सार्क रु. २५० र विदेशीको लागि ५ सयको टिकटको व्यवस्था गरिएको उहाँले
जानकारी दिनुभयो ।
गत आर्थिक बर्षमा स्वदेशी तथा विदेशी गरि कूल दुई लाख ६० जनाले संग्रहालयको अध्ययन अवलोकन गर्दा
दुई करोड ७८ लाख आम्दानी भएको तथ्याङ्क रहेकोछ ।