पोखरा, १० असोज / पर्यटन दिवसको अवसर पारेर पोखरामा बिहीवार मिनी सडक महोत्सव हुने भएको छ ।
रेष्टुरेण्ट एण्ड बार एशोसियसन नेपाल (रेबान) पोखराको आयोजनामा एक दिने मिनी सडक महोत्सव हुन
लागेको हो ।
मंगलबार पोखरामा आयोजीय पत्रकार सम्मेलनमा सडक महोत्सव बाराही चोकदेखि खहरेचोकसम्म हुने
रेवानका उपाध्यक्ष तथा महोत्सव संयोजक लक्ष्मण बरालले जानकारी दिए । उनले महोत्सव साँझ ५ः००
बजेदेखि सुरु हुने छ ।
महोत्सवमा विभिन्न देशका खानाका परिकारको स्वाद लिन पाइने छ । नेपालका विभिन्न जातीय तथा धार्मिक
संस्कृति झल्कने सांस्कृतिक नृत्य प्रदर्शनी, वृत्तचित्रको प्रदर्शनी, सडकमै मनोरञ्जनात्मक कार्यक्रमहरुको
प्रस्तुतिका साथ मिनी सडक महोत्सव आयोजना हुने रेवान पोखराका पुर्व अध्यक्ष गोपी भट्टराईले जानकारी दिए
। सेप्टेम्वर २७ का दिन मनाईने विश्व पर्यटन दिवसमा पञ्चेबाजा, गन्धर्व गायन प्रस्तुती पनि प्रस्तुत हुने छन् ।
पोखरा आउने पर्यटकलाइ विभिन्न कार्यक्रम गरि स्वागत गर्ने अन्य पर्यटकीय सस्थाको तयारी छ ।