पोखरा, ३ साउन / नेपाल सरकारले सन् २०२० लाई नेपाल भ्रमण वर्ष मनाउनका लागि विभिन्न प्रचारका कार्यक्रम गर्दै आएको छ । पर्यटन व्यवसायीले पनि सरकारको त्यस कामलाई सघाउदै आएका छन् ।
पर्यटन वर्ष सन् २०२० को प्रचारका लागि पोखराका पर्यटन व्यवसायीले चिनिया गाडीमा नेपाल भ्रमण वर्षको लोगो टासेर चिनिया पर्यटकलाई निमन्त्रणा दिएका छन् । चिनको हान्जाउ शहरबाट आएका चिनिया पर्यटकलाई पोखरामा स्वागत गर्दै पोखराका व्यवासायीले चिनिया पर्यटकलाई भ्रमण बर्षको निम्ता दिए ।
पोखरा पर्यटन परिषद्का उपाध्यक्ष गोपी भट्टराई र रेवान पोखराका सदस्य नरेश भट्टराईले चिनबाट ७ वटा गाडीमा आएका पर्यटकहरुलाई स्वागत गर्दै उनीहरुको गाडीमा भ्रमण बर्षको लोगो समेत टासेका हुन् । चिनिया व्यवासायीका टोली नेता स्याउसीलाई नेपालको झण्डा र भ्रमण वर्षको लोगो दिदै भट्टराईले भ्रमण बर्षको निमन्त्रणा दिए ।
अफरोडमा चल्ने अत्धुनीक गाडीमा चिनिया व्यवसायीहरु रसुवा हुदै काठमाडौ, चितवन, लुम्बिनी हुदै पोखरा आएका थिए । उनीहरु पोखरामा दुई दिन बसेर तनहुँको बन्दीपुर हुर्दै पुन रसुवाबाट चिन फर्किने छन् । चिनिया टोलीका स्याउसीले नेपाल घुम्दा धेरै नै आनन्दीत भएको बताउदै सडकलाई राम्रो बनाउन पर्ने सुझाब दिए ।
पोखरा पर्यटन परिषद्का उपाध्यक्ष गोपी भट्टराईले नेपाल पर्यटक ल्याउन चिन र भारतमा बढी मात्रमा प्रचार प्रसार गरेरमात्रै पनि नेपालमा ठुलो सख्यामा पर्यटकहरु आउने बताए । त्यसै गरि रेवान पोखराका सदस्य नरेश भट्टराई भ्रमण बर्षलाई लक्ष्त गरेर सडक सञ्जाललाई राम्रो बनाउनु पर्ने बताए ।
चिनिया गाडीमा नेपाल भ्रमण वर्षको लोगो टासेर निमन्त्रणा
चिनिया गाडीमा नेपाल भ्रमण वर्षको लोगो टासेर निमन्त्रणा
Posted by Ganthan.com on Thursday, July 18, 2019