पोखरा, २२ वैशाख/ग्यास उद्योगले नाफा कमाउने उद्देश्यले भूमिगत बिक्रेता नियुक्त गरी नयाँ सिलिण्डर बिक्री वितरण गरिरहेका कारण उपभोक्ताले ग्यासको मार खेप्नु परेको व्यास विक्रेताहरुले बताएका छन् ।
एलपी ग्यासको माग अनुपातमा नै आएको भएपनि कम्पनीले भुमिगत विक्रेता खडा गर्दा अभाव भएको ग्यास बिक्रेता सघंका जिल्ला अध्यक्ष नारायणप्रसाद पौडेल बुधबार पोखरामा आयोजीत पत्रकार सम्मेलनमा जानकारी दिए । पुराना वितरक र बिक्रेतालाई ग्यास उपलब्ध नगराइ नयांँ सिलिण्डर डिपो खडा गर्दा पुराना वितरक र बिक्रेताको लगानी जोखिममा परेको पौडेलले जानकारी दिए । विभिन्न ग्यास उद्योगले अभावको मौका छोपी कालोबजारीलाई गरेको उनको आरोप थियो ।
पोखरामा गृहलक्ष्मी ग्यास र बाबा ग्यासले पुरानालाई ग्यास नदि नयाँ सिलिण्डर बेचेको ग्यास विक्रेता महासंघका बालकृष्ण कोइरालले बताए । उनले पोखरामा गृहलक्ष्मी ग्यासले करिब १० हजार र बाबा ग्यासले करिब ४ हजार नयाँ सिलिण्डर बेचेको कोइरालाको आरोप थियो । उनले बेच्न त अरु कम्पनीले पनि बेचेका छन् तर दुई कम्पनीले पुरानालाई बाड्नै छाडेर नयाँ सिलिण्डर बेचेको उनको भनाई थियो ।
हप्तामा एक हजार २ सय भन्दा बढी सिलिण्डर बिक्री गर्दै आएकोमा हाल उद्योगले १ सय ५० भन्दा बढी सिलिण्डर नपाएको धारणा राखे। ग्यास बिक्रेता सञ्जीवबहादुर कोइरालाले पुराना बिक्रेताका खाली सिलिण्डर नभरिएसम्म अन्य उपभोक्तालाई ग्यास दिन नहुने बताए।
नेपाल आयल निगमले कास्कीमा स्थापित दुई उद्योगलाई गण्डकी र धवलागिरी अञ्चलका लागि ४ सय ५० देखि ५०० मेट्रिक टन ग्यास उपलब्ध गराउँदै आएको र यो अपुग भएपछि अरु ठाउँका उद्योगले आफ्ना ग्यासका सिलिण्डर बिक्री गर्दै आएका छन्। कास्कीमा एक लाख २० हजार सिलिण्डरको माग रहेको र जिल्लाका ६५ वटा बिक्रेतामार्पmत ग्यास बिक्री हुने गरेको बताइएको छ ।