आधुनिक प्रविधिको प्रयोग गरी छायांकन गरिएको हुँदा भिडियो राम्रो भएको कुरा सन्तोष कोन्मेले बताए । भिडियोमा ड्रोनबाट हवाई दृश्य पनि कैद गरेको कुरा कोन्मेले बताए । स्थानीय कलाकारहरु पुनम गुरुङ र मनिषा गुरुङको अभिनय रहेको उक्त गितमा रज्नी रिदम राईको स्वर रहेको छ भने संगीत रोशन गुरुङले दिएको छ ।
रोशन गुरुङ र गोबिन्द गुरुङको संयुक्त रचना रहेको उक्त गितको अडियो र भिडियो बनाउदा सम्म करिब ६ लाख खर्च भएको कुरा समाजका अध्यक्ष श्री गंगा प्रसाद गुरुङले जानकारी दिए। गुरुङले गाउँलाई राष्ट्रिय तथा अन्तर्राष्ट्रिय जगतमा गाउँ चिनाई गाउँमा पर्यटन विकास गर्न टेवा पुग्ने कुरा बताउनु भयो । समाजसेवी ओम बहादुर गुरुङको प्रमुख अतिथ्यतामा अन्नपूर्ण तमु समाजमा आयोजना गरिएको उक्त कार्यक्रममा मालिङ गाउँ कै स्थानीय कलाकारहरुले नृत्य प्रस्तुत गरेका थिए ।