पोखरा, १८ बैशाख /पोखराको लेकसाइडमा रहेको चिल्ली बार एण्ड रेष्टुरेण्ट दशौँ बर्षमा प्रबेश गरेको छ ।
बार्षिक उत्सवको अवसर पारेर बारले बुधबार एक कार्यक्रम गरी विभिन्न संग सस्थालाई सहयोग तथा रक्तदान कार्यक्रमको आयोजना गरी सहयोग हस्तान्तरण गरेको छ ।
कार्यक्रमको गण्डकी प्रदेशका सांसद राजीब पहारीले चिल्ली ग्रुपका एक्जिक्युटिभ डाइरेक्टर भिष्मराज पौडेललाई ब्लड व्याग हस्तान्तरण गरि उद्घाटन गरे ।
कार्यक्रममा पहारीले बारले रेष्टुरेण्टमा कार्यरत कर्मचारीको कल्याणकारी कोषका लागि २५ हजार, संस्थागत सामाजिक उत्तरदायित्व अन्तर्गत बात्सायन बृद्धाश्रमका लागि २५ हजार र नमस्ते सामुदायिक प्रतिस्ठानका लागि २५ हजार नगद हस्तान्तरण गरे । सोही अवसरमा पर्यटन प्रहरीका लागि ४ वटा साइकल, ५ वटा ह्यलचियर हस्तान्तरण गरे ।
सांसद पहारीले बारले सामाजीक क्षेत्रमा दिएको सहयोगले सामाजीक क्षेत्रको विकासमा योगदान पुग्ने बताए । कार्यक्रममा पोखरा महानगरपालिका वडा नम्बर ६ का अध्यक्ष जगत पहारी, गण्डकी प्रदेश अखिल नेपाल होटल रेष्टुरेण्ट मजदुर संघका अध्यक्ष राजेन्द्र तिमिल्सिना, पोखरा पर्यटन परिषद्का अध्यक्ष चिरञ्जीवी शर्मा लगायतले शुभकामना दिएका थिए ।
नेपाली तथा विदेशी पर्यटकलाई लक्ष्त गरि सञ्चालीत बारमा स्वस्थ, स्वच्छ र स्वादिस्ट खानाका परिकार पाइने ग्रुपका प्रबन्ध निर्देशक विश्वराज पौडेलले जानकारी दिए । उनले वार्षिक उत्सवको अवसरमा विषेश छुटको समेत दिएको बताए ।
उनले १ सय ५० जनालाई बारले एकै पटक सेवा दिन सक्ने बताए । ग्रुपका अध्यक्ष गोविन्द शर्मामा विखर्चीको सभापतित्वमा सम्पन्न भएको थियो ।