Categories
फिचर राजनीति

सरकारले दुइतिहाइ दम्भमा लुटतन्त्र मच्चाएको छः नेता पौडेल

पोखरा, २४ भदौ/ नेपाली काँग्रेस वरिष्ठ नेता रामचन्द्र पौडेलले दुई तिहाईको भरमा सरकारले अदालत र अख्तियारलाई तर्साएर देशमा लुटतन्त्र मच्चाएको आरोप लगाएका छन् । नेपाली काँग्रेसको राष्ट्रिय जागरण अभियानको दोस्रो चरणको कार्यक्रमको पोखरामा मंगलबार उद्घाटन गर्दै नेता पौडेलले अदालतले गरेका फैसलाहरु बाँझिनु भनेको दुइतिहाईकै हस्तक्षेप भएको बताए ।

उनले भने, दुइतिहाई देखाएर अदालतलाई तर्साउने, दुइतिहाइ देखाएर अख्तियारलाई तर्साउने काम भएको । एनसेलबारे अदालतले गरेको निर्णयमा सरकार किन बोल्दैन ? उनले प्रश्न गरे, सरकार किन ठूला माछा समाउन सक्दैन ? एनसेल र वाईडबडीमा भएको भ्रष्टाचारमा अख्तियार परेको छ । साना माछा समाउँछन् । ठूला शासकलाई कारबाही गर्न सक्दैन ।

सरकारको काम कारबाहीबाट जनता असन्तुष्टि छन् । यसैले पनि सरकार पूर्ण रुपमा असफल भएको उनले आरोप लगाए । उनले भने, सत्तामा पुग्ने बेला सपना बाँडे, तर सपना अनुसारको काम नगरेको हुँदा जनतामा निराशा छाएको छ ।

उनले वीपीले देखाएको बाटो अंगिकार गरेमात्र काँग्रेसका सपना पूरा हुने बताए । उनले वीपीभन्दा ठूलो समाजवादी हुँ भन्ने कम्युनिष्ट देशको शासन गरे पनि उनीहरुले पक्षपातको शासन गरिरहेको बताए । उनले भने, आफ्नै कार्यकर्तालाई पोस्न मनी र मसलको प्रयोग गररहेकेका छन् ।

कास्की क्षेत्र नम्बर २ को उपनिर्वाचनमा पार्टीले दिएको उम्मेदवारलाई भोट हाल्न काँग्रेसलाई निर्देशन दिए । उनले काँग्रेस हुँ भन्नेले रुखमा भोट दिए जित सुनिश्चित हुने बताए । कार्यक्रममा राष्ट्रिय सभा सदस्य वृन्दादेवी रानाले जागरण अभियानबाट काँग्रेस एक ढिक्का भएको सन्देश जाने बताइन् ।

काँग्रेस कास्कीले जिल्लाका विभिन्न क्षेत्रमा पनि जागरण अभियान सुरु गरेको जनाएको छ । यो सँगै बुधबार देखि वडा इकाइसम्म जागरण अभियान जारी रहने जिल्ला सदस्य नवीन सिग्देलले जानकारी दिए ।

Categories
फिचर राजनीति

अदालत र अख्यितियारलाई लिएर सरकारले भष्ट्रचार गरेको कांगे्रस नेता पौडेलको आरोप

पोखरा, ३२ जेठ /नेपाली कांगे्रसका बरिष्ठ नेता रामचन्द्र पौडेलले दुई तिहाइको दम्बमा अदालत र अख्यितियारलाई निरिय बनाएर भष्ट्रचार गरेको आरोप लगाएका छन् ।

शैलजा आचार्य समाज कास्कीले पोखरामा शनिबार आयोजना गरेको भष्ट्रचार विरुद्धको नागरिक अभियान कार्यक्रमलाई सम्बोधन गर्र्दै उनले त्यस्तो बताएका छन् ।

बरिष्ठ नेता पौडेलले कमिसनको खेलमा सरकारले मेलम्ची, बुढीगण्डकी र वाइडवडीमा भष्ट्रचार गरेको आरोप लगाए । उनले भष्ट्रचारका कारण राजनीति प्रति जनताको वितृष्णा बढेको बताए । नेता पौडेलले राजनीतिक गर्ने केहि नेताहरुका कारण राजनीति गर्ने नेता प्रति नै जनताको आत्मसन्तुष्टि गुमेको बताए ।

उनले भष्ट्रचार प्रवृत्तिको विरुद्ध हरेक ठाउँवाट युद्ध छेड्नुपर्ने बेला आएको बताए । कार्यक्रममा पुर्वसभामुख तारानाथ रानाभाटले भष्ट्रचारी जोसुकै भएपनि छाड्न नहुने बताए ।

उनले देशमा पहिला एउटा राजा थिए अहिले सयौं राजा बनेर भष्ट्रचार गरेकाछन् । कार्यक्रममा हरिबहादुर थापाले भष्ट्रचार सम्बन्धि कार्यपत्र समेत प्रस्तुत गरेका थिए ।

Categories
फिचर राजनीति

उपनिर्वाचमा केन्द्रित हुन कार्यकतालाई देउवाको निर्देशन

पोखरा, २९ चैत /कांग्रेस सभापति शेरबहादुर देउवाले कास्की क्षेत्र नम्वर २ को उप निर्वाचनमा केन्द्रित हुन कार्यकतालाई निर्देशन दिएका छन् । नेपाल महिला संघ कास्कीले आयोजना गरेको नयाँ वर्षं २०७६ को अवसरमा आयोजीत शुभकामना आदान प्रदान कार्यक्रममा सम्बोधन गदै उनले गुट, उपगुट र अन्तरघातको अन्त्य गरी निर्वाचनमा केन्द्रित हुन आग्रह गरे ।

कास्की क्षेत्र २ मा हुने उप चुनाबबाट संस्कृति पर्यटन तथा नागरिक उड्डयन मन्त्री रवीन्द्र अधिकारीको ताप्लेजुङमा हेलिकोप्टर दुर्घटनामा निधन भएपछि कास्की क्षेत्र नम्बर २ निर्वाचन क्षेत्र रिक्त रहेको छ ।

उनले उपनिर्वाचन कांग्रेसलाई जिताएमा एकताको सन्देश देशव्यापी जाने हुदाँ पार्टी एकताको सन्देश कास्कीबाट शुरु गर्ने आग्रह गरे । उनले विभिन्न गुट, उपगुट र घात प्रतिघातका कारण पार्टीले पराजय भोग्न परेकाले पाटी यो अवस्थामा आएको बताए ।

बरिष्ठ नेता रामचन्द्र पौडेलले अबको १० महिना भित्र १४ औ महाधिवेशन नभए कांग्रेसलाई गम्भीर धक्का लाग्ने चेतावनी दिए । कम्युनिष्टको उद्धेश्य नै कम्युनिजम ल्याउने भएको बताउँदै उनले भने, ‘देशमा कम्युनिजम ल्याउन रोक्ने हो भने तोकिएको मितिमा कांग्रेसले महाधिवेशन सक्नुपर्छ, हैन भने कांग्रेसलाई गम्भीर धक्का लाग्छ, अपुरणीय क्षेति पुग्छ, यो कांग्रेसका लागि दुर्भाग्य हुनेछ ।’

बरिष्ठ नेता पौडेलले वर्तमान सरकारले कम्युनिष्टको रातो झण्डा ओढेजति सबैलाई भ्रष्टाचारमा छुट दिएको आरोप लगाए ।

नेकपा महासचिव विष्णु पौडेल भुमाफियाबाट ठगिएको भनेर सरकारका प्रवक्ता तथा सूचना तथा सञ्चार मन्त्री गोकुल बास्कोटाको भन्नुपनि त्यसैको एउटा रुप भएको उनको टिप्पणी थियो ।

रातो झण्डा ओढेपछि भ्रष्टाचारमा छुट छ–उनले भने,‘आफ्नो पार्टी र आफ्नो मान्छेले गरेका अगतिला कामपनि ढाकछोप गर्छ, लुकाउँछ ।’