पोखरा, ९ भदौ / एसियाडमा प्याराग्लाइडिङमा पदकको आशा गरिएको विधा क्रस कन्ट्रीमा नेपाली टिमले पहिलो
दिन तेस्रो स्थान हासी गरेको छ । ३१ किलोमिटरको टास्क पुरा गर्दै तेस्रो स्थानमा रहेको हो । नेपालले २२५५
अंकसहित तेस्रो स्थानमा रहदाँ पदकको आशालाई भने जिवितै राखेका छन् ।
पुरुष क्रसकन्ट्री तर्फ आयोजक इण्डोनेसियाले ३१ किलोमिटरको दुरीमा राखिएको आठ वटा प्वाईन्टको टास्क
पुरा गर्ने क्रममा २९१७ अंक जोड्दै शीर्ष स्थानमा छ । दोस्रो स्थानमा कोरिया छ । कोरियाले २५०० अंक जोड्यो ।
जापान भने २०२४ अंकसहित चौथो स्थानमा छ ।
महिला तर्फ भने नेपाली टिम चौथो स्थानमा छ । पहिलो राउण्ड सकिदाँ नेपालले २८५ अंक मात्रै जोडेको छ ।
कोरियाले १०३६ अंकसहित शीर्ष स्थानमा रहदाँ जापान ६४४ अंकसहित दोस्रो र आयोजक इण्डोनेसिया भने ४७९
अंकसहित तेस्रो स्थानमा छ ।
पाँच खेलाडीले मात्रै शनिबारको टास्क पुरा गरेका थिए । जसमध्ये युकेश गुरुङले मात्रै टास्क पुरा गरेको
प्याराग्लाइडिङका अफिसियल शैलेन रावतले जानकारी दिए । उनका अनुसार युकेशले ३१ किलोमिटरको टास्क
पुरा गर्दा अन्य नेपाली खेलाडीले भने केवल १४ किलोमिटर दुरीको टास्क मात्रै पुरा गरे । टास्क प्रत्येक खेलाडीले
पुरा गर्नुपर्छ । जसले धेरै प्वाईन्ट राखिएको टास्क पुरा गर्छ उसैले जित्छ ।
‘विहानको मौसम खराब थियो । त्यसैले युकेश बाहेक अन्यले टास्क पुरा गर्न सकेनन् ।’ उनले भने–‘तर पनि
अझै चार राउण्ड बाँकी छ । लेष्ट्स होप फर मेडल ।’ मौसमले साथ नदिएको भएपनि खेलाडीले राम्रो प्रदर्शन गर्दै
तेस्रो स्थानमा आएकोप्रति अफिसियल रावतले भने खुशी व्यक्त गरे ।
इण्डोनेसियाको गुनुङ मास पानकाकमा आयोजित प्रतिस्पर्धामा पुरुष टिम क्रस कन्ट्रीमा विमल अधिकारी,
शुशिल गुरुङ, युकेश गुरुङ, विजय गौतम र विशाल थापा छन् । त्यसैगरी महिला क्रसकन्ट्रीमा त्रिशा श्रेष्ठ,
प्रतिभा भुजेल र सविता तामाङले प्रतिस्पर्धा गर्ने छन् । पाँचौ राउण्डमा फाईनल हुन्छ । प्रत्येक दिन टास्क भने
फरक फरक हुन्छ ।