पोखरा, १९ भदौ/ लामा अमृत फाउण्डेशन घान्द्रुकले आयोजना गरेको भलिबल प्रतियोगिताको पुरुष भेट्रान्स
तर्फको उपाधी रामबजार क्लब र महिला तर्फ टप्स माबि टिम “ए” जितेको छ । सोमबार नदिपुर स्थित छन्त्याल
समाजको खेल मैदानमा सम्पन्न पुरुष भेट्रान्स तर्फको फाईनल खेलमा डाँफे क्लब घान्द्रुक क्लबलाई २५–१८,
२८–२६, २५–१९ को साझो सेटले पराजित गर्दै रामबजार क्लबले उपाधी जितेको हो ।
त्यस्तै महिला तर्फ टप्स माबि टिम “ए” र एसियन सुज ईन्डष्टि बिच बेस्ट अफ फाईभको आधारमा भएको
फाईनल खेल २५–२०, २५–२३, र २५–१०, २५–७ अंक सहित दुई दुई को बराबरी सेट भएपछि फाईनल सेट १५–९
ले टप्स माबि टिम “ए” ले जिते सँगै उपाधी हात पारेको हो । भेट्रान्स तर्फ र महिला तर्फको बिजेता तथा
उपबिजेता टिमलाई मंगलबार पुरुष भलिबलको फाईनल भएसँगै पुरस्कार प्रदान गरिने फउण्डेशनका अध्यक्ष
अमृत गुरुङले बताए । उनले सशस्त्र प्रहरी बल मालेपाटन र बाग्लुङ क्बल बिच भएको फाईनल खेल समय
अभाबका कारण मंगलबार खेलाईने जानकारी दिए ।
पुरुष तर्फ भएको फाईनल खेलमा शशस्त्र प्रहरी बल र बाग्लुङ क्लबले दुई दुई सेट जितेको थियो भने फाईनल
सेट ६–६ भएर समय अभाबका कारण स्थगित भएको आयोजकले जनाएको छ ।