स्ववियुको निर्वाचनको नमुना मतदानमा समेत अनेराववियुमा गुटबन्दी

150

पोखरा, २२ वैशाख /विश्वविद्यालयमा स्ववियुको निवार्चन गर्नुपर्ने माग गर्दै अनेरास्ववियु पृथ्वीनारायण क्याम्पस कमिटिका दुई खेमाले छुट्टा छुट्टै नमुना मतदान आयोजना गरेका छन् ।

ओलि पक्षका विद्यार्थीले बुधबार र नेपाल पक्षका विद्यार्थीले बिहिबार नमुना मतदान को कार्यक्रम राखेपछि विद्यार्थीहरु अन्यौलमा परेका छन् । गुटगत राजनितिलाई प्रशय दिदै एमाले निकट अनेरास्ववियुका ओली र नेपाल प्यानल ले छुट्टा छुट्टै मिति तोकि नमुना मतदानमा उपस्थितिका लागि विद्यार्थीहरुलाई आग्रह गरेका हुन् ।सरकार र त्रिभुवन विश्व विद्यालयलाई दवाब दिनको लागि अनेरास्ववियुले बिहिबार नमुना निर्वाचन गर्न लागेको अनेरास्ववियु पिएन क्याम्पस कमिटि का अध्यक्ष एवम् नेपाल पक्षका बिद्यार्थी नेता राजन शर्मा पराजुलरी जानाकारी दिए ।

यस्तै ओलि पक्षका जिल्ला कमिटिका बिद्यार्थी नेताहरुले क्याम्पस कमिटिका उपाध्यक्ष विजय पौडेल लाई अगाडी सार्दै बुधबार नै नमुना मतदान राखेपछि बिद्यार्थीहरुमा पनि ओलि र नेपाल गुट प्रष्ट देखिएको छ । पिएन क्याम्पसमा बिहिबार बिहान ७ बजे हुने मत सर्वेक्षणमा सबै विद्यार्थीलाई सहभागी हुन क्याम्पस कमिटिका अध्यक्ष पराजुली ले आग्रह गरेका छन् भने ओलि निकट मानिने अनेरास्ववियु जिल्ला अध्यक्ष विबेक देवकोटाले हस्तक्षप गर्दै बुधबार नै नमुना मतदान मा उपस्थित हुन आग्रह गरेका छन् ।

विद्यार्थीहरुको हक हितको लागि काम गर्ने स्वतन्त्र संगठन स्ववियुको निर्वाचन हुन नसक्दा शैक्षिक विकृति बढ्नुका साथै विद्यार्थीहरुको पढाई सगै अन्य काममा समेत समस्या भएको भन्दै बुधबार को नमुना मतदानमा सहभागि हुन देवकोटाले आग्रह गरेका हुन । शैक्षिक मुद्घामा एकमत हुनुपर्ने विद्यार्थीहरुनै गुटगत राजनितिमा लाग्दा भोलीको नेतृत्व कस्तो बन्ने हो भन्ने सहजै अनुमान गर्न सकिन्छ ।२०६५ साल पछि क्याम्पसहरुमा स्ववियु निर्वाचन हुन नसक्दा शैक्षिक विकृति बढ्दै गएका छन् ।

Covid-19 कोरोना भाइरस संक्रमणबाट बच्न र बचाउन गण्डकी प्रदेश सरकारको अपिल

Covid-19 कोरोना भाइरस संक्रमणबाट बच्न र बचाउन गण्डकी प्रदेश सरकारको अपिल

Get real time updates directly on you device, subscribe now.

Loading...