Ganthan News Pokhara
All news from Pokhara & around

जनप्रतिनिधिको तलव सुविधाबाट जनतालाई स्टेचर

जनप्रतिनिधिको तलव सुविधाबाट जनतालाई स्टेचर
0

बागलुङ, २७ चैत्र /बागलुङको जैमिनी नगरपालिका-७ जैदीका वडा सदस्य केन्द्र रसाईलीले राज्यबाट पाएको तलव सुविधाबाट विपन्न गाउँका जनतालाई स्टेचर वितरण गरेका छन् । रसाईलीले आफ्नो तलवभत्ताबाट टोल-टोलमा २० ओटा स्टेचर वितरण गरेका हुन् ।जनप्रतिनिधि भएपछि रसाईलीले सरकारबाट खाइपाई पाएको तलवभत्ता सामाजिक क्षेत्रमा लगाउँदै आएका छन् ।

बिरामीलाई बोकेर तुरुन्त स्वास्थ्य संस्थासम्म पु¥याउन सहज होस् भनेर उनले आफ्नो १ लाख २० हजार तलव भत्ताको रकम स्टेचर वितरण गर्नमा लगाएका हुन् । स्टेचर वितरण गर्दै रसाईलीले राजनितिपेशा नभई सेवा भएकाले आफू जनप्रतिनिधि रहँदासम्म राज्यबाट प्राप्त भएको तलवभत्ता गरिब र बिपन्न नागरिकको सेवा खर्च गर्ने बताएका थिए ।

नेपाली काङ्ग्रेसका नेता तथा पूर्व अर्थमन्त्री महेश आचार्यको उपस्थितिमा रसाईलीले स्टेचर वितरण गरेका थिए । यसअघि पनि वडा सदस्य रसाईलीले जैमिनी नगरपालिका-७ स्थित जनता बाल साक्षरता प्राविका विपन्न विद्यार्थीलाई शैक्षिक सामग्री, झोला वितरण गरेका थिए । त्यस्तै, संस्कृत मावि बेलवगरमा अध्ययनरत विद्यार्थीका लागि विज्ञानका प्रयोगात्मक सामग्रीहरुसमेत वितरण गरिसकेका छन् । अहिलेसम्म सरकारी तलव र आफ्नै खर्चबाट झन्डै साढे २ लाख रुपैयाँभन्दा बढीका विभिन्न सामग्री सहयोग गरिसकेका छन्

‘कुनै दिन मैले भनेको थिएँ राज्यबाट पाएको सेवा सुबिधा म एक पैसा पनि प्रयोग गर्ने छैन, सोही अनुसार मैले गरेको प्रतिबद्धता पूरा गरेको हुँ । आफूले नागरिकका लागि स्टेचर हस्तान्तरण गर्न पाउँदा अझ हर्षित भएको छु । उनले भने, ‘यस अभियानमा साथ दिनुहुने सम्पूर्ण जैमिनी नगरपालिका ७ जैदी र अन्य वडाका नागरिकहरु, शिक्षक, पत्रकार, सम्पूर्ण सरकारी तथा गैरसरकारी कार्यालयका साथिहरुलगायत सबैलाई धन्यवाद दिँदै आगामी दिनमा पनि सहयोग गर्न अग्रह गर्दछु ।’

Get real time updates directly on you device, subscribe now. (अपडेटहरू सिधै तपाइँको ब्राउजरमा प्राप्त गर्न सब्स्क्राइब् गर्नुहोस्।

अरु सम्बन्धित खबरहरु