वडाध्यक्ष सहित पक्राउ गरेकालाई रिहा गर्न कास्की काँग्रेसको माग

पोखरा, ३१ भदौं / माछापुच्छ«े गाउँपालिका वडा १ का वडाध्यक्ष वीरेन्द्र गुरुङ र तरुण दलका विपुल शर्मालाई पक्राउ गरिएकोमा नेपाली काँग्रेस कास्कीले गम्भीर ध्यानाकर्षण जनाएको छ ।

कास्की काँग्रेसका कार्यवाहक सभापति आइबहादुर गुरुङले मंगलबार जारी गरेको विज्ञप्तिमा पक्राउ गरिएकालाई तत्काल बिना सर्त रिहा गर्न माग गरेका छन् ।

वडाअध्यक्ष वीरेन्द्र गुरुङ, अध्यक्षका प्रत्यासि उम्मेद्वार खुशीमान गुरुङ, वडा नं. ८ का प्रत्यासी वडाध्यक्षका उम्मेद्वार रामबहादुर गुरुङ, नेपाली काँग्रेस क्षेत्र नं. ३ का सहसचिव राजाराम पौडेल सहित ४०÷५० जनालाई गाउँपालिका तोडफोड गरेको आरोप लगाइएकोमा आपत्ति जनाइएको छ ।

‘माछापुच्छ«े गाउँपालिकाका गतिविधिप्रति काँग्रेसका तर्फबाट ध्यानाकर्षण गराउदा बेवास्ता गरेपछि भदौ २५ गते सूचनाको हक सम्बन्धी संविधान प्रदत्त अधिकार प्रयोग गरी निवेदन सहित साथीहरु गाउँपालिका गएको विज्ञप्तिमा उल्लेख छ ।

गाउँपालिकाका अध्यक्ष २ महिनाका लागि विदेश भ्रमणमा रहेकाले कार्यवाहक अध्यक्षको जिम्मेवारीमा रहेकी उपाध्यक्षलाई सूचनाको लागि आएको जानकारी दिदा सभाहलमा बस्न भनेको र ३ घण्टा बढी कुर्दा पनि नआएपछि पुनः बोलाएर छलफल गरी ७ दिन भित्र गाउँपालिकाका सम्पूर्ण सूचना उपलब्ध गराउने भनी सहमतिका साथ छलफल टुङ्गिएको विज्ञप्तिमा जनाइएको छ ।

तर २ दिन पछि एकाएक गाउँपालिका कार्यवाहक अध्यक्षको नामबाट माछापुच्छ«े गाउँपालिकामा तोडफोड भएको भन्दै राजनैतिक प्रतिशोध लिइएकोप्रति विज्ञप्तिमा गम्भीर आपत्ति प्रकट गरिएको छ ।

‘जनताकोतर्फबाट गाउँपालिकाका गतिविधि बारेमा सूचना माग्न जाँदा अपमानका साथ तोडफोडको वाहनारची धरपकट र पक्राउ गर्नु अत्यन्तै निन्दनीय र खेदजनक विषय हो’–विज्ञप्तिमा भनिएको छ ।

विज्ञप्तिमा गाउँपालिकामा भएका आर्थिक अनियमितता, लाखौ लाख बेरुजु र विकास निर्माणमा भएको ढिलासुस्ती जस्ता जनताका सरोकारका विषयलाई हल्का रुपमा लिएर २ तिहाईको दम्भले उल्टै जनप्रतिनिधिलाई पक्राउ गरी संवाद सहमतिको बाटो अवरुद्ध गर्ने प्रयासप्रति आपत्ति प्रकट गरिएको छ ।

काँग्रेसको सदासयतालाई बेवास्ता गरी तत्काल रिहा नगरे कडाभन्दा कडा आन्दोलनमा जान बाध्य हुने चेतावनी दिदै त्यसबाट उत्पन्न सम्पूर्ण परीणामको जिम्मेवारी सम्वन्धित निकायले लिनुपर्ने स्पष्ट पारिएको छ ।

विज्ञप्तिमा विकास निर्माण र जनताको आवश्यकता पूरा गर्न काँग्रेसले सहयोग, समर्थन गरेको र राज्यको सम्पत्ति दलविशेष कार्यकर्ताको पहुँचमा राखिएकोमा काँग्रेसले विरोध जनाउदै आएको उल्लेख छ ।

कमेन्टहरु
Loading...