पोखरा, ३१ असार /लायन्स क्लव अफ हिमालयनद्धारा आयोजित पाँच दिने योग शिविर सम्पन्न भएको छ । योग शिविरमा सहभागी क्लवका अध्यक्ष देवि प्रसाद गुरुङले योग मानव जिवनका लागी निकै ठुलो सागर जस्तो रहेको बताएका छन् । मानव स्वास्थ्य प्रवद्र्धनका लागी यस्ता प्रकारका कार्यक्रमहरु निरन्तर गर्न जरुरी रहेकामा उनको जोड थियो । लायन्स क्लवमा आवद्ध लायन सदस्यहरुका लागी समेत यो महत्वपुर्ण रहेको उनले उल्लेख गरे ।
बगालेटोल तमु समाजका अध्यक्ष दिल बहादुर गुरुङले योगका कारण दिर्घकालिन जिवन जिउन सकिने र स्वस्थ समेत भईने भएकाले यसको प्रवद्र्धनमा स्थानिय सरकारहरु लाग्नु पर्ने बताए । मानिसको जिवनमा योगका कारण स्वास्थ्य लाभ प्राप्त गर्न सकिने उनले तर्क गरे । सवै उमेर समुहका मानिसहरुका लागी यसले फाईदा पुर्याउने भएकाले योगशिक्षामा समेत सोच्नुपर्ने बेला आएको उनको भनाई थियो ।
पोखरा ८ बगालेटोल स्थित बगालेटोल तमु समाजमा गरिएको उक्त शिविर असार २६ देखी ३० गते सम्म चलेको थियो । शिविरमा योग प्रशिक्षक कमला नापित र मिना नापितले प्रशिक्षण दिएका थिए । प्रशक्षिणका क्रममा योगका विभिन्न प्रकार र योग गर्ने तरिकाका बारेमा प्रशिक्षण गरिएको उनिहरुले बताए । शिविरमा तिन दर्जन भन्दा धेरैको सहभागीता रहेको थियो । पोखराका विभिन्न योगकेन्द्रहरुमा अहिले दैनिक हजारौ मानिसहरुले योग गर्ने गरेका छन् । योग मानिस हरेक मानिसका लागी आवाश्यक रहेकामा जानकारवालाहरुले तर्क गरेका छन् ।