पोखरा, २६ असार / गण्डकी प्रदेशका विभिन्न जिल्लाहरुमा बाढी पहिरोका कारण जनधनको क्षति भएपछि गण्डकी प्रदेश आन्तरीक मामिला तथा कानुनमन्त्री हरि बहादुर चुमानले एक विज्ञप्तीमा उल्लेख छ । उनले सचेत र सजग रहन सबै प्रदेश बासीलाई आग्रह गरे ।
मन्त्री चुमानले प्रदेश भित्रका विभिन्न जिल्लामा पहिरो र बाढीबाट ज्यान गुमाएकाहरु प्रति पनि श्रद्धाञ्जली तथा परिवारमा समबेदना प्रकट गरे । विपद् ब्यबस्थापनका लागि सरकारले आबस्यक गृहकार्य गरिरहेको र जोखिम न्युनिकरणका प्रयास भैरहेको भएपनि अचानक हुने यस्ता घटनाले थप सजगता अपनाउन आबस्यक रहेको जारी विज्ञप्तीमा उल्लेख छ ।
पछिल्लो जानकारी अनुसार गण्डकी प्रदेशका लमजुङ्ग, कास्की म्याग्दी जिल्ला लगायत गरि ११ जनाको ज्यान गएको १६ जनाको सकुशल उद्धार गरिएको छ भने १० घर पुर्ण क्षेति भएको र ३ घर आंशिक क्षेति भएको बताइएको छ । कतियपय मानिसहरु अहिलेपनि बाढी र पहिरोमा हराईरहेका छन । केही बिकासका संरचनाहरु पनि काम नलाग्ने गरि भत्कीएका छन ।
यो अबस्थामा उद्धारमा खटिएका सुरक्षाकर्मि, स्वास्थ्यकर्मि तथा स्थानिय जनसमुदायहरुमा पनि मन्त्रालयको तर्फबाट धन्यबाद दिइएको छ । समस्याग्रस्त क्षेत्रहरुमा बिपद ब्यबस्थापन समिति मार्फत खाद्यान्न, त्रिपाल तथा बन्दोबस्तीका सामानहरुको ब्यबस्था गरिएको पनि बताइएको छ । अबिरल बर्षाका कारण देशका बिभिन्न स्थानहरुमा जनधनको क्षति हुने क्रम रोकिएको छैन ।