पोखरा, २७ चैत्र/लायन्स क्लब अफ पोखरा टुरिजम सिटीले लायन बर्ष २०१६÷१७ का लागि लायन सुदिप पौडेलको अध्यक्षतामा नया कार्यसमिती चयन गरेको छ । क्लबको शुक्रबार सम्पन्न निर्बाचनले प्रथम उपाध्यक्षमा बिष्णुबाबु खड्का, द्धितिय उपाध्यक्ष निरन केसी, तृतिय उपाध्यक्ष बिनय थापालाई चयन गरेको छ ।
यसैगरि क्लबको सचिबमा सन्जय कुमार मल्ल, सहसचिबमा निरज पन्त, कोषाध्यक्ष एकराज गिरी, सहकोषाध्यक्ष दुर्गा सुबेदी, पिआरओमा हुमबहादुर खत्री अर्जुन, टेल टिवस्टर क्षितिज तुलाचन तथा टेमरमा दिपक थापालाई चयन गरेको छ । सर्वसम्मत सम्पन्न निर्बाचनले बर्ष २०१६÷१७ का लागि क्लबका निर्देशकहरुमा बिधान कोइराला सुचना तथा सञ्चार निर्देशक, डा. राजन बस्नेत स्वास्थ्य निर्देशक, अश्विन कार्कीलाई खेलकुद निर्देशकमा चयन गरेको छ ।
यस्तै शिक्षा निर्देशकमा प्रकाश कार्की, बित्त निर्देशक पदम पाण्डे, बातावरण तथा टुरिजम निर्देशक बिकास लामिछाने तथा नया सदस्य निर्देशकमा बिरेन्द्र कुँवरलाई चयन गरको छ । कार्यक्रममा क्लबका अध्यक्ष लायन प्रदिप कुँवरले सामाजिक कार्यका लागि टिमवर्कको अत्यन्तै आवश्यका पर्नेहुदा, क्लब रहुञ्जेल टिमवर्क रहनुपर्ने भन्दै नया कार्यसमितीलाई समाज प्रतिको उत्तरदायित्व र जिम्मेवारी कुशलता पुर्वक बहन गर्न शुभकामना दिए ।
यसैबिच क्लबले शनिबार पोखरा एफ एम संगको सहकार्यमा आयोजना गर्न लागेको रक्तदाना कार्यक्रम बारे छलफल गरेको छ । क्लबले शनिबार आयोजना गर्न लागेको रक्तदान कार्यक्रममा क्लबमा आवद्ध सदस्यहरुको ब्यवसायिक फर्मबाट कार्यक्रममा हुने खर्चको प्रायोजन उठाउने तथा ईच्छुक एवम योग्य रक्तदाता सदस्यले रक्तदान गर्ने निर्णय गरेको छ ।