पोखरा, १४ भदौ/गण्डकी प्रदेश पूर्ण खोप सुनिश्चित गर्ने पहिलो प्रदेश बनेको छ । प्रदेशका ११ वटा जिल्लाका ८५
वटै स्थानीय तहमा १६ देखि २३ महिनासम्मका सम्पूर्ण बालबालिकाले १५ महिनाभित्र पाउनुपर्ने खोप
पाइसकेको सुनिश्चित गरिएको हो ।
खोप सुनिश्चित घोषण समारोहमा गण्डकी प्रदेशका मुख्य मन्त्री पृथ्वी सुब्बा गुरुङले प्रदेशका मन्त्री, सदस्य,
स्थानीय तह प्रमुख एवंम प्रतिनिधि, कर्मचारी, स्वास्थ्यकर्मी लगायतलाई पूर्ण खोप सुनिश्चित गर्ने सपथ
खुवाएका थिए ।
मुख्य मन्त्री गुरुङले पूर्ण खोपको सुनिश्चित गर्न चुनौतिहरु भए पनि यसलाई पूर्ण रुपमा कार्यान्वयन गर्न प्रदेश
सरकार प्रतिबद्ध रहेको बताए । ‘चुनौतिहरु धेरै छन्,’ उनले भने, ‘तर, पूर्ण खोप दिगोपनको सुनिश्चितताको
लागि प्रतिबद्धता गर्छौ ।’ गण्डकी प्रदेश सबै कुरामा पहिलो हुन चाहेको उनको भनाई थियो । ‘प्राकृतिक रुपमा
नभएका पक्ष बाहेक सबै कुरामा पहिलो हुँदै आएका छौं,’ उनले भने ।
काठमाडौं बाहिरको विकास हेर्न नचाहने केन्द्रको कारण अप्ठ्यारो अवस्था सिर्जना भएको उनले आरोप लगाए ।
‘एउटा सिटिस्क्यान मेसिन नभएर गण्डकी हस्पिटलको हालत कुन अवस्थामा पुगेको छ, उनले भने, ‘गण्डकी
हस्पिटलको समस्या हल गर्छौ भन्दा पनि केन्द्र सरकार मौन छ ।’
संघीय सरकारले कर्मचारी नियुक्त गर्न ढिलाई, नीति नियम निमार्ण गर्न पनि ढिलाई गरेको उनको आरोप छ ।
‘ढिला गरे सरकारलाई नै ढिला हो,’ उनले भने ।
प्रदेश सरकार अहिले कानुन निमार्ण प्रक्रियामा छ, के गर्ने नगर्ने अन्योल रहेको बेला प्रदेश सरकारको
टिकाटिप्पणी गरेकोमा उनले गुनासो गरे । ‘सरकारले गर्ने कामको नीति नियम नै तय भई सकेको छैन,’ उनले
भने, ‘सरकार सरकारको रुपमा काम गर्ने हो भने काम गर्ने अधिकार चाहिन्छ ।’
सामाजिक सञ्जाल र मिडियामा करको मजाक गरेको भन्दै उनले आक्रोश पोखे । ‘मरेको बाख्रामा पनि कर भनेर
मिडियामा समाचार आयो,’ उनले भने, ‘के हामी त्यति मुर्ख छौं ?’ सरकारले करै कर उठायो भनेर नकारात्मक
टिकाटिप्पणी गरेकोमा उनले गुनासो गरे । ‘कर नतिरे कसरी सरकार चल्छ ?’ उनले भने, ‘सरकारमा आउँदा
कसैले आफ्नो पैतृक सम्पत्ति लिएर त आएको हुँदैन ।’
गण्डकी प्रदेशकी सामाजिक विकास मन्त्री नरदेवि पुनले एक जना बच्चा पनि खोपबाट बञ्चित नहने साथै पूर्ण
खोपको दिगोपन कायम गर्नु आफूहरुको दायित्व रहेको बताइन् ।
कार्यक्रममा अहोरात्र खटेर जनस्वास्थ्यमा योगदान पु¥याँउने स्वयम सेविकालाई सम्मान समेत गरिएको थियो
।