पोखरा, २६ साउन / मौसमविदले शनिबार राती पोखरा सहित पश्चिम नेपालमा अति भारी वर्षाको सम्भावना रहेको बताएका छन् ।
मौसम विज्ञानको अनलाईनमा बुलेटिन जारी गर्दै पश्चिम नेपालमा अति भारी वर्षा हुने जनाएको छ ।
तीन दिन पछिको मौषम अनुमान गर्दै कार्यालयले बर्षा र बदलीको सम्भावना भने सोमबार सम्म देशभर नै रहेको जनाएको छ ।
शनिबार दिउँसो पश्चिमका एक वा दुई स्थानमा र राति पश्चिमका केही स्थानहरुमा तथा पूर्व र मध्यका एक वा दुई स्थानमा भारी वर्षाको सम्भावना रहेको बुलेटिनमा उलेल्ख छ ।
शनिबार राति भने पश्चिमका एक वा दुई स्थानहरुमा अति भारी वर्षाको सम्भावना जनाएको छ ।
यस्तो छ बुलेटिनमा उल्लेख
जारी मिति : २०७५ श्रावण २६ गते,बिहान ०६:०० बजे
श्रावण २६ गते (शनिबार)
दिउँसो र राति देशभर सामान्य देखि पूर्ण बदली रही देशका धेरै स्थानहरूमा हल्का देखि मध्यम खालको वर्षा हुने सम्भावना छ ।
शनिबार दिउँस पश्चिमका एक वा दुई स्थानमा र राति पश्चिमका केही स्थानहरुमा र पुर्व र मध्यका एक वा दुई स्थानमा भारि बर्षाको सम्भावना रहेको छ।
शनिबार राती पश्चिमका एक वा दुई स्थानहरुमा अति भारी वर्षाको पनि सम्भावना रहेको छ।
श्रावण २७ गते (आइतबार)
दिउँसो र राति देशभर सामान्य देखि पूर्ण बदली रही देशका धेरै जसो स्थानहरूमा हल्का देखि मध्यम खालको वर्षा हुने सम्भावना छ ।
आइतबार दिउँसो र राति पश्चिमका केही स्थान र मध्य र पुर्वका एक दुइ स्थानमा भारि बर्षाको सम्भावना रहेको छ।
श्रावण २८ गते (सोमबार)
दिउँसो र राति देशभर सामान्य देखि पूर्ण बदली रही देशका धेरै जसो स्थानहरूमा हल्का देखि मध्यम खालको वर्षा हुने सम्भावना छ भने सोमबार बिहानको समयमा पश्चिमका एक दुइ स्थानमा भारि बर्षाको पनि सम्भाबना रहेको छ।