पोखरा महानगरमा २२ एमाले र ११ वडामा कांग्रेस वडाअध्यक्ष (कुनले कुन वडामा जिते)#LocalPolls2017 #Pokhara

पोखरा १२ जेठ/ पोखरा लेखनाथ महानगरको ३३ वडा मध्ये एमालेले २२ वटा वडाको अध्यक्ष पदमा जित हासी गरेको छ भने नेपाली काग्रेसले ११ वटा वडामा अध्यक्ष पदमा विजयी भएको छ । एमालेले २० वटामा प्यानल सहित र दुई वटा वडामा वडाध्यक्ष जितेको हो ।

एमालेले वडा नम्बर १, ५, ७ तथा वडानम्बर १३ देखि २१ सम्म २४, २५, २६ र २८ , २९ , ३०, ३१ एबं ३३ नम्बर वडामा प्यानल सहितको जित हात पारेको हो । वडानम्बर ८ र २२ मा भने मिश्रित परिणाम सहित एमाले उम्मेदवार अध्यक्ष चुनिएका छन् ।

त्यस्तै नेपाली कांग्रेसले ११ वटा वडाको अध्यक्ष जितेको छ । ७ वटा वडामा प्यानल सहित र अन्यमा मिश्रित परिणाम सहित कांग्रेस उम्मेदवार अध्यक्ष चुनिएका हुन् ।

कांग्रेसले २, ३ , ४, ९, १० , २३ र २७ नम्बर वडामा प्यानल सहित जितेको हो । वडानम्बर ६, ११, १२ र ३२ मा मिश्रित परिणाम सहित कांग्रेस उम्मेदवार वडाध्यक्षमा निर्वाचित भए ।