पोखरा, २२ भदौ /पोखराको पृथ्वीचोक नजिकैको चाइना पुल व्यस्थ हुदा सवारीको लामो जाम हुन्छ । चाइना पुलको नजिकै विकल्प नहुदा लामो समय सम्म जाममा बन्नुपर्ने वा महेन्द्रपुल नै पुग्नु पर्ने बाध्यता हुन्छ ।
महेन्द्रपुलको पुल पनि व्यस्थ पुलमा नै पर्दछ । चाइना पुलको विकल्पका लागि पोखराको चोरसाँघुमा पुल निमार्ण भई रहे पनि काममा ढिलाई भएको स्थानीयले बताएका छन् । चोरसाँगुको पुल असोज सम्ममा मोटर गुडाउने लक्ष्य रहेको जिल्ला इन्जिनियर नारायण श्रेष्ठले बताए । करिब १ करोड ५० लाखको लागतमा पुल निमार्ण हुने श्रेष्ठले जानकारी दिए ।
८ वर्ष पहिले पोखरा उपमहागनगर पालिकाले निमार्ण सुरु गरेर त्यसै छाडेको पुललाई जिल्ला विकास समितिले पुरा गर्न लागेको हो । ८ वर्ष पहिलो नगरपालिकाले सेती नदिको वारीपारी नै फाउन्डेस निमार्ण गरिसेको छ श्रेष्ठले भने बिचमा फलामको पुल जडान गर्ने काम भई सकेको बताए ।
फाउन्डेस सबै ठिक भए पछि विचमा फलामे पुल निमार्ण गरेको उनले बताए । करिब ३२ मिटर लामो पुल भदौ सम्ममा सक्ने लक्ष्य रहे पनि अहिले निमार्ण कम्पनीले ढिला गर्दा भदौ सम्ममा नसकीने देखिएको स्थानीयको भनाई छ । पुलमा दोहोरो सवारी सञ्चालन हुने गरि निमार्ण अगाडी बढेको छ । अहिले त्यस स्थानमा सानो साघँ छ । त्यसैबाट मानिसहरु आवतजावत गर्दै आएका छन् ।