पोखरा, ३१ भदौ /पोखराको रत्नचोकमा रहेको एक घरमा चोरी भएको छ । स्थानीय कुशङ गुरुङको घरमा चोरी
भएको हो । घरमा कोही पनि नभएको मौका पारी चोरी भएको घरधनी गुरुङले बताए । घर धनि आमाको निधन
भए पछि पूरानो घर नवलपरासीमा भएका बेला घरमा चोरी भएको हो । छोरी छिमेकीकोमा गएर परीक्षाको
तयारी गर्दै गरेका बेला घरमा पसेर सुनको टप र केही पैसा चोरि भएको उनले बताए । अरु पनि चोरिएको हुन
सक्छ ।’
गुरुङका भतिजा रवी गुरुङले चोरको खोजी गरी कारबाहीको माग गर्दै बैदाम प्रहरीमा निवेदन दिएका छन् ।
पोखरामा दिनहुँजसो चोरीका घटना भैरहेका छन् । केही समयअघि चोरी गर्दै हिड्ने समूह नै पक्राउ गरी प्रहरीले
सार्वजनिक गरेपनि चोरीका घटना रोकिएको छैन ।
गुरुङ परिवार युकेमा बस्दै आएको छ । घरमा किशङको आमा, बाबु र छोरी मात्रै बसोबास गर्थे । आमाको निधन
भएर परिवार नवलपरासी गएपछि अहिले घरमा छोरी मात्रै बसिरहेकी छिन् । प्रहरीले घरमा कोही नभएका थाहा
पाएकै मान्छेल चोरी गरेको हुन सक्ने बताए ।