पाउँदुर महायज्ञमा १ करोड बढी दान संकलन

पाउँदुर महायज्ञमा १ करोड बढी दान संकलन
314

पोखरा, १९ माघ /अन्नपूर्ण–३, पाउँदुर, धारापानी स्थित शिवालय मन्दिरको सर्वाङगिर्ण विकासका लागि भएको शिवमहापुराण धनधाञ्यान्चल महायज्ञ १ करोड रुपैया बढी दान संकलन गर्दै शनिबार सकिएको छ । महायज्ञमा भूमिदान समेतको गरी कुल १ करोड ६ लाख ११ हजार ७ सय ९२ दान संकलन भयो ।त्यस्तै करिव ७५ मुरी धान तथा २२ मुरी चामल पनि संकलन भएको छ ।

समापनको दिन स्थानीय भतेरे परिवारले गोप्य दान समेत गरेको छ।त्यस्तै यज्ञ अवधिभर ७ जनाको ब्रतबन्ध, ६ जनाले चौरासी पुजा तथा कुल १३ जनाले तुलादान समेत गरेका छन्।

यज्ञको समापन गर्दै गाउँपालिका अध्यक्ष युवराज कुँवरले धर्म संस्कार विर्सने मानिस मानव हुन नसक्ने औँल्याउँदै हिन्दु धर्मको संरक्षणमा जोड दिए ।दानवीरलाई सम्मान व्यक्त गर्दै अध्यक्ष कुँवरले पाउँदुर धारापानीलाई पुण्यभूमि बनाउनुपर्ने धारणा राखे।

प्रमुख वाचक भागवत् भाष्कर प.कमलनयन गौतमले सबैको साथ सहयोगबाट यज्ञ सम्पन्न भएको जनाए ।पोखराबाट नजिकै भए पनि पाउँदुर क्षेत्रमा आफ्नो पहिलो यज्ञ भएको उनले सुनाए ।

मूल आयोजक समितिका अध्यक्ष रामचन्द्र पौडेलले छोटो तयारीमा यज्ञ सम्पन्न गर्नुपरेको अनुभव सुनाए । कोषाध्यक्ष भेषराज पौडेलले शिवालयलाई बृहत तीर्थस्थलका रुपमा विकास गर्नुपर्ने जनाए । सह–कोषाध्यक्ष कमला केसीले उद्देश्य पुरा गर्न पाउँदुरवासी एक जुट हुनुको विकल्प नभएको औँल्याइन्।

यज्ञ मार्फत संकलित रकमबाट मन्दिरको पुनःनिर्माण गर्ने, नियमित पुजाका लागि अक्षयकोष स्थापना गर्ने, बहुउद्देश्यीय धर्मशाला बनाउने, अन्नपूर्ण माताको मन्दिर निर्माण गर्ने, मूल प्रवेशद्वार बनाई मन्दिर परिषरमा पक्की पर्खाल लगाउने तथा पर्यटन वर्ष २०२० लाई सघाउँदै धार्मिक पर्यटनका टेवा पु¥याएने लक्ष्य छ।

मूल आयोजक समितिका अध्यक्ष पौडेलको अध्यक्षतामा सम्पन्न समापन समारोहमा सचिव फणिन्द्रप्रसाद पौडेलले स्वागत तथा मूल आयोजक समितिका महासचिव हरिप्रसाद शर्माले संचालन गरेका थिए ।यज्ञ यहि माघ १० गतेदेखि १८ गतेसम्म भएको हो ।

Covid-19 कोरोना भाइरस संक्रमणबाट बच्न र बचाउन गण्डकी प्रदेश सरकारको अपिल

Covid-19 कोरोना भाइरस संक्रमणबाट बच्न र बचाउन गण्डकी प्रदेश सरकारको अपिल

Get real time updates directly on you device, subscribe now.

👇 यी पोस्टहरु पनि हेर्नुहोस् ।
Loading...