रेडक्रस कास्की शाखा नेपालमै उत्कृष्ठ

149

पोखरा, २५ चैत /नेपाल रेडक्रस सोसाइटी केन्द्रीयसभाको ४५ औं अधिवेशन मकवानपुर जिल्ला शाखाको व्यवस्थापनमा हेटौडामा विहिवार सम्पन्न भएको छ । उक्त अधिवेशनका अवसरमा नेपाल रेडक्रस सोसाइटीको विधान र भावना अनुरुप कार्यक्रम वर्ष २०७१।०७२ मा मानवीय सेवा लयागत रेडक्रसका विभिन्न गतिविधीमा उत्कृष्ट कार्य गर्ने शाखा उपशाखा, युवा तथा जुनियर सर्कलहरुलाई विशेष सम्मान तथा पुरस्कृत गरिएको छ ।

रेडक्रस कास्की शाखा नेपालमै उत्कृष्ठ
रेडक्रस कास्की शाखा नेपालमै उत्कृष्ठ

यस वर्ष मानवीय सेवाका क्षेत्र लगायत रेडक्रसका विभिन्न गतिविधीमा उल्लेखनीय कार्य गरेवापत नेपाल रेडक्रस सोसाइटी कास्की शाखा नेपालमै उत्कृष्ट प्रथम हुन सफल भएको छ । जुनियर रेडक्रस सर्कल तर्पm महेन्द्र उच्च मा.वि.नयाँवजार पोखरा नेपालमै प्रथम, जनप्रिय उच्च मा.वि. सिमलचौंर पोखरा द्वितीय, युवा रेडक्रस सर्कल तर्पm भरतपोखरी युवा रेडक्रस सर्कल नेपाल प्रथम, महिला सदस्यता वृद्धि प्रोत्साहन तर्पm कास्की शाखा नेपालमा नै द्वितीय हुन सफल भयो । यसैगरी शिक्षक नायक तर्पm रत्नशोभा मा.वि. माझठानाका शिक्षक नायक राजेन्द्र तिवारी सम्मानित हुनुभएको छ ।

कास्की शाखा र अन्तर्गतका समिति, युवा तथा जुनियर सर्कलहरुले विगतका वर्षहरुमा समेत उत्कृष्ठ हुदै रेडक्रसको इतिहासमा स्वर्ण अक्षरले लेख्न सफल बनेको छ । केन्द्रिय अधिवेशनमा कास्की शाखाका तर्पmवाट सभापति वामदेव ढुंगाना, मन्त्री कृष्ण तिमिल्सिना, उपमन्त्री उर्मिला खड्का, केन्द्रीय सभासदद्धय सूर्यप्रसाद ढकाल र सञ्जय श्रेष्ठ, शिक्षक नायक राजेन्द्र तिवारी, युवा समितिका संयोजक डिल्लीराम बरालको सहभागिता रहेको थियो ।

Get real time updates directly on you device, subscribe now.

Loading...