‘मुद्दा फछ्र्यौटमा न्यायाधीश भण्डारी नेपालमानै पहिलो’
पोखरा, २८ साउन /कास्की जिल्लामा आर्थिक वर्ष ०७२।०७३ मा ६९.८३ प्रतिशत मुद्दा फछ्र्यौट भएका छन् । अदालतले शुक्रबार पोखरामा पत्रकार सम्मेलनको आयोजना गरी दिएको जानकारी अनुसार अदालतका न्यायाधीश नरिश्वर भण्डारीले सबैभन्दा बढी १ हजार ६९ मुद्दा फछ्र्यौट गर्न सफल भएका छन् ।
यो फछ्र्यौट संख्या सँगै न्यायाधीश भण्डारीले एकै वर्षमा धेरै मुद्दा फछ्र्यौट गर्नेमा आफुलाइ नेपालभर पहिलो स्थानमा पु¥याउन सफल भएका छन् । यसैगरी जिल्ला न्यायाधीश शेखर प्रसाद पौडेल, न्यायाधीश अनन्तराज डुम्रे, न्यायाधीश नागेन्द्रलाल कर्ण, न्यायाधीश नारायण प्रसाद दाहाल, न्यायाधीश विष्णु प्रसाद गौतमले पनि लक्ष्य भन्दा बढी मुद्दा फछ्र्यौट गरेका छन् । न्यायाधीश पौडेल गत माघबाट, दाहाल गत पौषबाट र गौतम गत बैशाखबाट कास्की जिल्ला अदालतमा सरुवा भई आएका हुन् ।
यसैगरी जिल्ला न्यायाधीश राम प्रसाद ओली गत पौषसम्म र न्यायाधीश चुरामन ख्डका र न्यायाधीश पुरुषोत्तम ढकाल गत साउन महिनासम्म कार्यरत रहेका थिए । यसरी सबै न्यायाधीशको आर्थिक वर्ष ०७२।०७३ मा लक्ष्य भन्दा प्रगती बढी भएको अदालतका स्रेस्तेदार कृष्ण प्रसाद नेपालले जनाए । यता आर्थिक वर्ष ०७२।०७३ मा ३ हजार ४ सय ५१ थान मुद्दा दर्ता भएका छन् । मुद्दा दर्ता संख्या अघिल्लो वर्षको तुलनामा बढी हो । अघिल्लो वर्ष १ हजार ९ सय ६४ थान मुद्दा दर्ता भएका थिए ।
यो वर्ष भित्र दर्ता भएका मुद्दामा सम्बन्धविच्छेद मुद्दा सबैभन्दा धेरै ५ सय ९१ थान दर्ता भएका छन् । आर्थिक वर्ष ०७२।०७३ मेलमिलाप केन्द्रमा पठाइएका मुद्दा मध्ये १७ थान मुद्दा सफल भएका छन् । अदालतले सञ्चालन गरेको फैसला कार्यान्वयन विशेष अभियानबाट २ लाख ७० हजार ३ सय ८४ रुपैयाँ नगद र २४ वर्ष १ महिना १३ दिन कैद असुल गर्न सफल भएको छ । अदालतले आर्थिक वर्ष ०७३।०७४ मा ३ हजार ८ सय नयाँ मुद्दा दर्ता हुने अनुमान गरेको छ । पत्रकार सम्मेलनमा कास्की जिल्ला अदालतका जिल्ला न्यायाधीश शेखर प्रसाद पौडेल, न्यायाधीशहरु नागेन्द्रलाल कर्ण, नरिश्वर भण्डारी, नारायण प्रसाद दाहाल, विष्णु प्रसाद गौतम, स्रेस्तेदार कृष्ण प्रसाद नेपाल, तहसिलदार खुम प्रसाद भण्डारी र शाखा अधिकृत भोलाराज पौडेलले बोलेका थिए ।