पोखरा, २७ चैत / गण्डकी प्रदेशबाट कोरोना भाइरस (कोभिड–१९) का बुधबार सम्म २५९ जनाको परीक्षण गरेको छ । परीक्षण गरेका मध्ये १२२ वटाको रिर्पोट आउन बाँकी छ ।
२५९ जनाको मध्ये १ सय ३५ जनाको नेगेटिभ, २ को पोजेटिभ आएको प्रदेश स्वास्थ्य निर्देशनालय पोखराका स्वास्थ्य शिक्षा प्रशिक्षक नवराज शर्माले जानकारी दिए ।
पोजेटिभ दुई जना नै बागलुङका रहेका छन् । उनीहरुको धौलागिरी अञ्चल अस्पतालको आइसोलेजनमा उपचार भईरहेको छ ।
उनीहरु बेल्जियमबाट ४ चैतमा कतारको दोहा हुँदै काठमाडौं पोखरा हुदै बागलुङ पुगेका थिए । कतार एयरको त्यही फ्लाइटमा आएकी काठमाडौंकी १९ वर्षीया युवतीमा कोरोना संक्रमण भएको पुष्टि भएपछि उनीहरुको पनि नमुना परीक्षण गरिएको थियो, जसमा पोजेटिभ रिपोर्ट आएको थियो ।