Ganthan News Pokhara
All news from Pokhara & around

फाउन्डेशनको शैक्षिक सामाग्री वितरण अभियान जारी

0

पोखरा, ५ जेठ/बाबा फाउन्डेशन नेपालले सामुदायिक विद्यालयमा अध्ययनरत गरिब तथा जेहेन्दार विद्यार्थीहरूलाई शैक्षिक सामाग्री वितरण गर्ने अभियान जारी राखेको छ । फाउन्डेशनका अध्यक्ष दीलिपराज श्रेष्ठ र उपाध्यक्ष सरिता ताम्राकारको जन्मदिनको सन्दर्भमा शनिबार पोखरा महानगरपालिका अन्तर्गतका विभिन्न १२ वटा सामुदायिक विद्यालयमा अध्ययनरत ६० जना विद्यार्थीलाई शैक्षिक सामाग्री वितरण गरिएको फाउन्डेशनका कार्यक्रम संयोजक दीपक वि.क. ले जानकारी दिए ।

‘वातावरणमैत्री र बालमैत्रीका लागि बाबा फाउन्डेशनको अभियान’ भन्ने नाराका साथ आरम्भ गरिएको अभियानबाट हालसम्म करिब ११ सय जना विद्यार्थी प्रत्यक्षरुपमा लाभान्वित भएका छन् । मौजुदा शैक्षिक सत्रमा करिब पाँच सय विद्यार्थीलाई शैक्षिक सामाग्री वितरण गरिने योजना रहेको फाउन्डेशनका सचिव टंकराज अधिकारीले बताए ।

सरकाले निःशुल्क शिक्षाको व्यवस्था गरे पनि शैक्षिक सामाग्रीको अभावमा विद्यालय जानबाट वञ्चित विद्यार्थीको समस्या हल गर्न बाबा फाउन्डेशन सफल भएको पोखरा महतगौंडास्थित जानकी माविका विद्यालय व्यवस्थापन समितिका सदस्य दिलुमाया भण्डारीेको भनाई छ ।
फाउन्डेशनमार्फत् बालबालिकालाई शैक्षिक सामाग्री वितरण गरी जन्मदिन रमाउन पाउँदा खुशी लागेको फाउन्डेशनका अध्यक्ष दिलिपराज श्रेष्ठ र उपाध्यक्ष सरिता ताम्राकारले बताए ।

कार्यक्रममा पोखरा महानगरपालिका वडा नं. ३ का वडाध्यक्ष रवीन्द्र बहादुर प्रजुले फाउन्डेशनले शैक्षिक क्षेत्रमा गरेको योगदानको मुक्तकण्ठले प्रशंसा गर्दै शैक्षिक गुणस्तर अभिवृद्धि हुने विश्वास व्यक्त गरे ।रोटरी क्लब अफ पोखरा न्यूरोडका अध्यक्ष पुष्पकमल पौडेलले विद्यार्थीहरुको शैक्षिक विकासमा सहयोग पुर्याउन फाउन्डेशनले चालेको अभियानमा गरिएको सहकार्य र सहभागिताले गौरवानूभूति महशुस भएको बताए ।

फाउन्डेशनले पोखरा महानगरपालिकाभित्रका ३३ वटै वडामा सम्बन्धित वडा कार्यालयको सिफारिसमा १०÷१० जना विद्यार्थीलाई शैक्षिक सामाग्री वितरण गर्दै आएको छ । शनिार मात्र पोखरा महानगरपालिकाका वडा नं १, ३, ९, १४, १७, १९, २६ का विभिन्न सामुदायिक विद्यालयमा अध्ययनरत ६० जना गरिब तथा जेहेन्दार विद्यार्थीहरुलाई शैक्षिक सामाग्री वितरण गरिएको छ ।

Get real time updates directly on you device, subscribe now. (अपडेटहरू सिधै तपाइँको ब्राउजरमा प्राप्त गर्न सब्स्क्राइब् गर्नुहोस्।

अरु सम्बन्धित खबरहरु