रिचार्ज कार्ड किन्न भन्दै राष्ट्रसेवक यसरी बिके (भिडियो सहित)

अनुप पौडेल
पोखरा, १४ साउन/सोमबार बिग एफ एममा कार्यरत म रातकको त्यस्तै ७ः२० हुँदो हो घर फर्किन चिप्लेढुङगाबाट बस चढने तरखरमा थिए । एउटा गाडिमा चढे र केही बेर पछि फिल्मी शैलिमा म सवार गाडी अगाडी २ जना सवार पुलिसको मोटरसाइकल आएर रोक्यो ।

ब्लु बुक र लाईसेन्स माग्न थाले प्रहरीले, त्यहाँ केहिबेर बहस चल्यो । त्यसको केहिबेर पछि उनिहरु फर्किए । पछि ड्राइभरसग माथी गएर आउछु भनेर सहचालक जान लाग्याथ्यो । चालकले प्रश्न गर्यो किन भनेर ? उसले जवाफ फर्कायो मामालाई रिचार्ड कार्ड हाल्ने पैसा चाहियो भनेर ।

त्यसपछी सह(चालक बसबाट झरे र माथी चोक तिर गए । म पनि केही होला भन्ने सोचेर सहचालकको पछि लागे । पछि लाग्दा लाग्दै बिग एफ एमबाट बाहिर आउने जेब्रा क्रसिङबाट ती चालक माथी क्याफे दि गार्डन् नजिक पुगे । फिल्मी शैलिका प्रहरी त्यही हातमा ३/४ वटा ब्लु बुक र लाईसेन्स लिएर बसिराथे । म हातमा भएको मोबाईलमा भिडियो खिच्दै हिडिरहेका थिए ।

प्रहरीले यता उति ३ वटा गाडिका सहचालकलाई डुलायो र कसैले नदेख्ने गरि पैसा लियो अनि गाडिवालालाई फिर्ता दियो । यस्ता प्रहरीलाई के गर्ने अनि कसले गर्ने ?

(अनुप पौडेल विग एफएममा कार्यरत पत्रकार हुन् । उनले पत्रकारको गुपमा राखेको त्यहीबाट लिएको हो ।)