चितवन, २७ जेठ/ चितवनको भरतपुर अस्पतालमा कोरोनाको उपचार गराइरहेका एक पुरुषको मृत्यु भएको छ ।
मृत्यु भएका व्यक्ती भरतपुर नगरपालिका ११ का ६८ वर्षका पुरूष भएको भरतपुर अस्पतालले जनाएको छ ।
अस्पतालका अनुसार उनको शुक्रबारदेखि नारायणी सामुदायिक अस्पतालको आइसियूमा उपचार भइरहेको थियो ।
कोरोनाको संक्रमण पुष्टि भएपछि सोमबार साँझ ७ बजे भरतपुर अस्पताल ल्याएर कोभिड आइसियूमा राखेर उपचार गरिदैं आइएकोमा मंगलबार बिहान मृत्यु भएको अस्पतालको भनाइ छ ।
उनलाई पहिलादेखि नै सुगर तथा प्रेसरको समस्या रहेको अस्पतालले जनाएको छ । नेपालमा कोरोनाबाट मृत्यु हुनेको सख्या १५ पुगेको छ ।