सागर राज तिमिल्सिना
पोखरा, २४ पुस/पोखरामा प्रशंसनीय खोज पद्धतिको प्रथम राष्ट्रिय सम्मेलन बुधवारदेखि सुरु भएको छ । सम्मेलनको उद्घाटन गर्दै नेपाल सरकारका मुख्य सचिव लिलामणि पौडेलले सम्मेलनले समाजलाई सकारात्मक बाटोमा अघि बढाउन महत्वपूर्ण भुमिका खेल्ने विश्वास व्यक्त गरे । पौडेलले कसैको प्रशंसाबाट सकरात्मक सोचको विकास गर्न सकियो भने हरेक क्षेत्रको विकासमा सहयोग हुने बताए ।
अहिले हाम्रा सामु तमाम समस्या छन् तिनको समाधान पनि प्रशंसनीय खोजको माध्यमबाट नै गर्न सकिने बताउदै पौडेलले मानिसमा सकारात्मक सोच मात्र भएर नहुने भन्दै सोचलाई व्यवहारमा उतार्न आवश्यक रहेको बताए । परिकल्पना नेपालका अध्यक्ष रामचन्द्र लामिछानेले विभिन्न समयमा भएका परिवर्तनहरुले देश जनताले अपेक्षा गरे अनुसारको उपलब्धि हासिल गर्न नसकेको भन्दै सकरात्मक सोच अभावमा नतिजा अपेक्षा अनुसारको नभएको दावि गरे ।
लामिछानेले सम्मेलन मार्फत विश्वका विभिन्न कुनामा भएका सकारात्मक पÔको अध्ययन, अनुसन्धान र प्रयोगको अनुभव र ज्ञानलाई आदान(प्रदान गरी सकारात्मक परिवर्तनको लहर सिर्जना गर्ने बताए । परिकल्पना नेपालको आयोजनामा सुरु भएको सम्मेलनमा देश विदेशका गरी एक सय जना सहभागी रहेको सम्मेलनका संयोजक राधाकृष्ण लामिछानेले जानकारी दिए । सम्मेलन ३ दिनसम्म सन्चालन हुने छ ।