Advertisements
Ganthan News Pokhara
All news from Pokhara & around

निर्वाचन क्षेत्रमा दुई डिआइजी, चेन अफ कमान्डमा समस्या

0 6

काठमाडौ, ९ असार /निर्वाचनमा सुरक्षा दिने भन्दै गृह मन्त्रालयले नेपाल प्रहरीका तीनवटा क्षेत्रमा थप डिआइजी खटाएको छ। एकै क्षेत्रमा दुई डिआइजी खटाउँदा चेन अफ कमान्डमा समस्या देखिएको छ। गृह मन्त्रालयले एक साताअघिदेखि पूर्वमा केदारमानसिंह भण्डारी, मध्यपश्चिममा देवेन्द्र सुवेदी र सुदूरपश्चिममा माधव नेपाललाई खटाएको छ। आजको नयाँ पत्रिकामा खबर छ ।

अनुगमन तथा अप्रेसनसहितको जिम्मेवारी दिएर उनीहरूलाई खटाइएको छ। ती क्षेत्रमा एकै पदका दुई कमान्डर हुँदा समस्या भएको हो। पूर्व क्षेत्रको प्रहरी प्रमुखमा रमेश भट्टराई, मध्यपश्चिममा विजयलाल कायस्थ र सुदूरपश्चिममा रोमेन्द्रसिंह देउजा कार्यरत छन्। गृहले आफ्नै ब्याचका अन्य डिआइजीलाई खटाएपछि उनीहरू असन्तुष्ट रहेको स्रोत बताउँछ। अर्कोतर्फ दुई डिआइजीको निर्देशन फरक हुने भएकाले कसको निर्देशन मान्नेसमेतको समस्या देखिएको छ।

मध्य क्षेत्रमा भने हाल चुनाव नभएकाले डिआइजी खटाइएको छैन। पश्चिम क्षेत्रमा भने एसएसपीलाई मात्र खटाइएको छ। पश्चिमाञ्चल क्षेत्रका नवलपरासीमा एसएसपी सुरेशविक्रम शाह र कपिलवस्तुमा दीपक थापा खटिएका छन्। जिल्लामा एसपी इन्चार्ज हुनेमा एसएसपीलाई खटाइएकाले यी जिल्लामा भने समस्या छैन।

Advertisements

Leave a Reply (कमेन्ट गर्नुहोस्)