मुस्ताङ, २८ वैशाख/भारतीय प्रधानमन्त्री नरेन्द्र मोदीलाई जोमसोम र मुक्तिनाथ मन्दिरको भ्रमणको क्रममा ५ तहको सुरक्षा व्यवस्था गरेको छ । मोदीको सुरक्षाका लागि जिल्ला सुरक्षा समितिले पाँच तहको सुरक्षा व्यवस्था मिलाएको हो ।
जिल्ला सुरक्षा समितिले मोदी भरपर्दो सुरक्षाका लागि शुक्रबार दिऊसो ४ बजेदेखि शनिबार १२ बजे सम्म मुक्तिनाथ क्षेत्रको ८ सय मिटर वरपर पुरै शिल गरेको छ । नेपाली सेनाले कुकर सहितको सचिङ समेत गरेको छ ।मोदीको सुरक्षाका राज्यका तर्फबाट पर्याप्त सुरक्षाकर्मी परिचालन हुने मुस्ताङका प्रमुख जिल्ला अधिकारी शिषिर पौडेलले जानकारी दिए ।
शनिबार हुने मोदी भ्रमणको स्वागतका लागि जिल्ला समन्वय स्वागत समितिले, वारागुङ मुक्तिक्षेत्र गाउँपालिका र मुक्तिनाथ बिकास समिति लगाएतका समितिले ७ वटा स्वागत गेट निर्माण गरेका छन् ।
मोदी भ्रमणका लागि मुक्तिनाथक्षेत्रमा ५ वटा हेली प्याड बनाईएको छ । त्यसै गरि विरामी भए उपचारका लागि आकषमीक कक्ष समेत निमार्ण बनाएको छ । मोदीले मुक्तिनाथका पुजारी कृष्ण प्रसाद सुबेदीसंग पुजा र दर्शन गर्ने भएका छन् ।
तस्बिरहरु सुमन ढुङगाना
