पोखरा, ४ बैशाख /पोखराको लेकसाइड डोजाङ्गले फेवाताल विचमा रहेको तालबाराही मन्दिरका पुजारीहरुलाई लाइफ ज्याकेट सहयोग प्रदान गरेको छ । मंगलबार विहान एक समारोहका विच डोजाङ्ग प्रमुख प्रितम कुँवरले मन्दिरका पुजारी नारायण प्रसाद अधिकारीलाई पाँच थान लाइफ ज्याकेट हस्तान्तरण गरे ।
त्यसैगरि कुँवरले मन्दिरका लागि १ हजार भेटि सहयोग प्रदान गरे । पुजारी अधिकारीले लाइफ ज्याकेट सहयोग गरेकोमा डोजाङ्ग परिवारलाई धन्यवाद ज्ञापन गरे । यसअघि आफुहरुसंग लाइफ ज्याकेट नभएका कारण कहिलेकाँहि बिना लाइफ ज्याकेट ताल वारपार गर्नुपरेको उनले सुनाए ।
कार्यक्रममा नेपाली काँग्रेस वडा नम्बर ६ इकाइ सभापति बलराम गिरी, बाराही डुँगा घाटका संयोजक बत्तिप्रसाद गुरुङ्ग, फेवा डुँगा व्यवसायिक संघका सदस्य तारा विक लगायतले डोजाङ्गले खेलकुदसंगै विविध सामाजिक कार्यमा पनि उल्लेख्य योगदान पु¥याएको भन्दै डोजाङ्गको चर्चा गरेका थिए ।