काठमाडौं, ५ असोज / बंगालको खाडीमा सामुद्रीक आँधी डायको नेपालमा पनि असर परेको छ । हिजो सुरू
भएको आँधी अहिले पश्चिमतिर बढिरहेको छ । असर स्वरूप भारतका विभिन्न राज्यमा भारी वर्षा र हावाहुरी
भइरहेको छ ।
त्यसको असर नेपालमा पनि परेको छ । जल तथा मौसम पूर्वानुमान महाशाखाले हिमाली क्षेत्रमा हिमपात हुन सक्ने
भएकाले सजगता अपनाउनु आग्रह गरेको छ ।
असोज ५ गते (शुक्रबार)
दिउँसोः देशै भरि सामान्य देखि पूर्ण बदलि भई केहि स्थानहरुमा हल्का वर्षा हुने सम्भावना छ ।
रातिः देशै भरि सामान्य देखि पूर्ण बदलि भई पश्चिमी भूभागका केहि स्थानहरुमा र पुर्बी तथा मध्य भूभागका थोरै
स्थानहरुमा हल्का देखि मध्यम वर्षा हुने सम्भावना छ।
असोज ६ गते (शनिबार )
दिउँसोः देशै भरि सामान्य देखि पूर्ण बदलि भई केहि स्थानहरुमा हल्का देखि मध्यम वर्षा हुने सम्भावना छ।
रातिः देशै भरि सामान्य देखि पूर्ण बदलि भई पूर्व तथा पश्चिमका थोरै स्थानहरुमा र मध्यका एक वा दुई स्थानमा
हल्का देखि मध्यम वर्षा हुने सम्भावना छ।
असोज ७ गते (आइतबार)
दिउँसोः देशका पश्चिमी भूभाग हरुमा सामान्य देखि पूर्ण बदलि र पूर्वी र मध्य भूभाग हरुमा आंसिक देखि सामान्य
बदलि को सम्भावना रहेको छ। देशका पश्चिमी भूभागका केहि स्थानहरुमा र पुर्बी तथा मध्य भूभागका थोरै
स्थानहरुमा हल्का देखि मध्यम वर्षा हुने सम्भावना छ।
रातिः देशै भरि सामान्य देखि पूर्ण बदलि भई पश्चिमी भूभागका केहि स्थानहरुमा र पुर्बी तथा मध्य भूभागका थोरै
स्थानहरुमा हल्का देखि मध्यम वर्षा हुने सम्भावना छ।