फाइल तस्बिर
पोखरा, ११ असोज / पोखरा लेखनाथ महानगरपालिकाका यानबहादुर बुधबार राती ढिलो गरी घर फर्किए ।
रक्सीले टिल परेर घर आएका यानबहादुरलाई श्रीमतिले किन ढिलो आएको भनेर गाली गरिन् । यानबहादुर
झोकिए र ढुंगाले टाउकामा प्रहार गरे । बुधबार राती करिब १० बजे तिरको घटना हो ।
सँधैजसो रक्सी पिएर घर आउने यानबहादुर बुधबार बढी नै मातेका थिए । धेरै बर्षपहिले यानबहादुरले अर्कैकी
श्रीमति श्रीमायालाई भगाएर विहे गरेका हुन् । त्यसपछि सुकुम्बासी बस्तीमा श्रीमायाका दाइले टहरो बनाएर
राखिदिएका थिए । हत्या गर्नुपर्ने खासै ठूलो कारण नदेखिएको घटनास्थलबाट प्रहरीले जनाएको छ ।
श्रीमतिलाई हत्या गरेपछि उनले छिमेकीलाई खबर छोडेर भागेका थिए । तर दुईघण्टाभित्रै प्रहरीले हत्यारा पक्राउ
ग¥यो । ‘घटनास्थल भन्दा अलि पर डिलमनि लुकेर हेरिरहेको थियो । घटनास्थल खोला नजिकै थियो ।
यानबहादुर अलि पर खोलापारीको डिलमा लुकेको रहेछ, घटनास्थल पुगेका कास्की प्रहरी प्रमुख एसपी
ओम रानाले भने– अपराधी टाढा गएको छैन भन्ने हामीलाई सुरुमै थाहा भैसकेको थियो । त्यसैले नजिकै खोज्न
थाल्यौं । दुईघण्टा नवित्दै पक्राउ परे ।’
कास्की प्रहरीका असई सन्तोष सुवेदी र संघीय इकाई प्रहरीका असई भद्रकृष्ण पौडेलले हत्यारा पक्राउ
गरेका हुन् । विहानैदेखि कास्की प्रहरी प्रमुख एसपी राना सहितको टोलि घटनास्थलमा पुगेको थियो ।