Ganthan News Pokhara
All news from Pokhara & around

सफल पोखरा म्याराथनको उपाधि आर्मीका रिमाललाई

पोखरा म्याराथनको उपाधि आर्मीका रिमाललाई
0

पोखरा, ७ फागुन /पोखरामा मंगलबार भएको १३ औं संस्करणको सफल पोखरा अन्तर्राष्ट्रिय म्याराथन–२०७५ को उपाधि नेपाल आर्मीका हरि रिमालले जितेका छन् ।

निर्धारित ४२.१९५ किमीको म्याराथनमा आर्मीका रिमालले २ घण्टा ४० मिनेट १० सेकेण्डमा दुरी पूरा गरी उपाधि सहित नगद १ लाख रुपैयाँ र मेडल हात पारेका हुन् ।

उपाधि आर्मीले जितेकोमा दोस्रो र तेस्रोको उपाधि क्रमशः एपीएफ र नेपाल पुलिसले बाँडेर लिएका छन् । २ घण्टा ४० मिनेट २० सेकेण्डमा दुरी पूरा गरेका एपीएफका खेमबहादुर खत्री दोस्रो हुँदै ७० हजार रुपैयाँ सहित मेडल जिते ।

त्यस्तै, नेपाल पुलिसका भूमिराज राईले २ घण्टा ४१ मिनेट १७ सेकण्ड र नेपाल आर्मीका पूर्ण तामाङले २ घण्टा ४२ मिनेट ५५ सेकेण्डमा दुरी पूरा गरी क्रमशः तेस्रो र सान्त्वना भए । उनीहरुले ५० हजार र ७ हजार रुपैयाँ साथमा मेडल जिते ।

विजेतालाई गण्डकी प्रदेशका सामाजिक विकास मन्त्री नरदेवी पुन, सुजल डेरी प्रालि, पोखराका अध्यक्ष गणेशबहादुर श्रेष्ठ, आयोजक भूपू खेलाडी मञ्च नेपाल अध्यक्ष तेज गुरुङ, मञ्चका संस्थापक अध्यक्ष खड्गबहादुर रानाभाट लगायतले पुरस्कार वितरण गरे ।

म्याराथनसहित १० किमीको महिला÷पुरुष, ५ किमीको छात्र÷छात्रा, ४ सय मिटरको ह्वीलचियर दौड, १ सय मिटरको दृष्टिविहीन दौडसहित रन फर फन लगायत गरी करिब ५ हजार धावक सहभागी भएको आयोजकको दाबी छ । प्रतियोगिताको उद्घाटन गण्डकी प्रदेशका मुख्यमन्त्री पृथ्वीसुव्वा गुरुङले गरेका थिए ।

Get real time updates directly on you device, subscribe now. (अपडेटहरू सिधै तपाइँको ब्राउजरमा प्राप्त गर्न सब्स्क्राइब् गर्नुहोस्।

अरु सम्बन्धित खबरहरु