पोखरा, १४ असोज / पोखरा प्रिमियर लिगका लागि अक्सन मार्फत ६९ खेलाडी छनौट भएका छन् । ७ जना खेलाडीलाई २ लाख ५० हजारमा टिमले
लिएका छन् । आइतबार भएको अक्सनबाट १७९ जना खेलाडी अक्सनमा थिए, उनीहरु मध्ये ६९ जना खेलडीलाई ६ टिमले लिएका हुन् ।
७ जना खेलाडीमाथि अधिकतम मूल्यको बोली लागेको छ । करण केसी, विनोद भण्डारी, बसन्त रेग्मी, सागर पुन, अनिल कुमार शाह, रोहित पौडेल,
आरिफ शेखलाई २ लाख ५० हजारमा विक्री हुने खेलाडीमा परेका छन् ।
उनीहरु मध्ये तीन जना पारस खड्का मार्की प्लेयर रहेको चितवन राइनोजमा आवद्ध भएका छन् । चितवनले अनिल कुमार शाह, करण केसी र आरिफ
शेखलाई २ लाख ५० हजारमा किनेको हो ।
पोखरा पल्टनले पोखराले रोहित कुमार पौडेल र विनोद भण्डारीलाई किनेको छ । बुटवल ब्लास्टर्सले सागर पुन र काठमाडौं रोयल्सले बसन्त रेग्मीलाई
२ लाख ५० हजारमा टिममा लिएको छ । उनीहरु माथि एक भन्दा बढी क्लबले बोली लगाएपछि लक्की ड्रमार्फत क्लब छनोट गरिएको थियो । अक्सन
मार्फत चितनव राइनोज १०, पोखरा पल्टनले ११, बुटबल व्लास्टर्सले १३, काठमाडौं रोयल्सले १०, धनगढी व्लुजले १३, विराटनगरले १० ले खेलाडी
भित्राएका छन् ।
